ग्लोबल र बडीमालिका नगरबीच कर्जा सहजीकरण सम्झौता

ग्लोबल आईएमई बैंकको तर्फबाट नायब प्रमुख कार्यकारी अधिकृत सुमन पोखरेल तथा बडीमालिका नगरपालिकाका तर्फबाट नगर प्रमुख अमरबहादुर खड्काले सम्झौतापत्रमा हस्ताक्षर गरे । सम्झौताअनुसार बैंकले पालिकाभित्रका किसान, कृषि उद्यमी, कृषि फर्म तथा कृषि कर्ममा स्वरोजगार बन्न चाहनेलाई सरल र सहज रूपमा कर्जा प्रवाह गर्नेछ ।

उक्त कर्जाले नगरपालिकाभित्र उद्यमशीलतामार्फत आत्मनिर्भर र स्वरोजगार प्रवर्द्धन हुने विश्वास बैंकले लिएको छ । देशभर बैंकका ३५४ शाखा कार्यालय, ३७९ एटीएम, २७७ शाखारहित बैंकिङ सेवा, ६८ एक्सटेन्सन तथा राजस्व संकलन काउन्टर सञ्चालनमा छन् ।