मध्यरातमा पूर्व राजा महेन्द्रको शालिक भत्काइयो

सिदार्थ राजमार्ग अन्तर्गत सदरमुकाममा बनाइएको पार्क र शालिकका कारण दुर्घटना बढ्दै गएको भन्दै पुतलीबजारको १ नम्बर वडा कार्यालयले बुधबार मध्यरातमा डोजर प्रयोग गरी शालिक भत्काएको हो ।

२०२२ सालमा सिदार्थ राजमार्गको ट्रयाक खोलिए पनि २०२८ सालदेखि यो सडक खण्ड सुचारु भएको थियो । त्यही समय पारेर राजा महेन्द्रको शालिक निर्माण गरिएको थियो ।

स्याङजावासीले पहिचानको रुपमा उक्त शालिक राख्दै आएका थिए ।

२०३२ सालमा महेन्द्रका जेठा छोरा एवं पूर्व राजा विरेन्द्रले शालिकको उद्घाटन गरेको स्थानीयहरु बताउँछन् ।

२०६२/६३ को जनआन्दोलनका क्रममा शालिकको टाउको फोरिएको थियो । टाउको बिनाको शरीर मात्रको शालिक लामो समयपछि बुधबार राती भत्काइएको थियो ।