२५.१२°C काठमाडौं
मतपरिणामको प्रतिक्षा [तस्बिर]
इलाम — इलाम-२ को उपनिर्वाचनको मतगणना चलिरहेको छ । सदरमुकामको गौतम बुद्ध सिटी हलमा आइतबार मतदान सुरु भएलगत्तै देखि वरपर भीडभाड छ । मतगणनाको नतिजा सुन्न मतदाताहरु हल परिसरमा जम्मा भएका छन् भने आफू समर्थित उम्मेदवारको परिणाम सोधीखोजी गरिरहन्छन् ।
सभागृह आसपासको सडक, घरका पेटी र बारीका कान्लामा मात्रै हैन, चिया पसल र घरका छतमा समेत घन्टौँ कुरेर मतपरिणाम सुनिरहेका छन् मतदाताहरु । इलाम-२ मा १ लाख १५ हजार ८ सय ८९ मतदाता थिए जसमध्ये ६९हजार २ सय ८७ मत खसेको थियो । सोमबार साँझसम्म ४५ हजार मत गणना भइसकेको छ । अढाई दशकदेखि निरन्तर निर्वाचित हुँदै आएका पूर्वसभामुख तथा संविधानसभा अध्यक्ष सुवासचन्द्र नेम्वाङको गत भदौ २७ मा हृदयाघातले निधन भएपछि यहाँ उपनिर्वाचन भएको हो ।
