बुटवलमा अनलाईन सट्टेबाजी खेलाउने कार्यमा संलग्न १३ भारतीय पक्राउ

बुटवल उपमहनगरपालिका–९ कालिकानगरको कालिकापथमा घर भाडामा लिएर अनलाइन गेम खेलाउने र सट्टेबाजी गराउनेलाई प्रहरीले पक्राउ गरेको हो ।

पक्राउ पर्ने भारतीयहरुका विवरण भने प्रहरीले सार्वजनिक गरेको छैन । पक्राउपर्ने मध्ये अधिकांश युवा छन् । उनीहरुले फ्ल्याट भाडामा लिएर अबाञ्छित गतिविधि गरेको भन्ने सूचनाको आधारमा इलाका प्रहरी कार्यालय बुटवल र वडा प्रहरी कार्यालय रामनगरको टोलीले छापा मार्ने क्रममा १३ जना भारतीय युवाहरु पक्राउ परेको इलाका प्रहरी कार्यालय बुटवलका प्रमुख बिजयराज पण्डितले बताए ।

पक्राउ परेका युवाबाट उनीहरुले प्रयोग गर्ने गरेको मोबाईल र सट्टेबाजीका लागि आवश्यक पर्ने सामाग्री बरामद भएको प्रहरीले जनाएको छ । उनीहरुको विषयमा थप अनुसन्धान भईरहेको डिएसपी पण्डितले बताए ।