लागूऔषध कारोबारीलाई पक्राउ गर्न गोली प्रहार 

इलाका प्रहरी कार्यालयका डिएसपी धर्मराज भण्डारीका अनुसार ठुलो परिमाणमा लागूऔषध लिएर जाँदै गरेको भन्ने सूचनाका आधारमा लागूऔषध कारोबारीलाई रोक्न खोज्दा भागेपछि लागूऔषध नियन्त्रण ब्यूरोको टोलीले जानकी गाउँपालिका-६ स्थित पिप्रहवामा गोली चलाएको हो ।

गोप्य सूचनाका आधारमा प्रहरीको टोलीले नेपालगन्जबाट भे ६ प ६२०६ र भे ५ प ३१३५ नम्बरको स्कुटरमा कोहलपुरतर्फ जाँदै गरेको अवस्थामा रोकेर चेकजाँच गर्दा कोहलपुर-१२ चप्परगौडीका २६ वर्षीय सुशील परियारको साथबाट ११४ .२६० ग्राम ब्राउन सुगर फेला परेपछि भाग्न खोज्दा प्रहरीले परियारको देब्रे खुट्टामा गोली चलाएको इलाका प्रहरी प्रमुख भण्डारीले बताए ।

प्रहरीका अनुसार कोहलपुर-१२ चप्परगौडीका २७ वर्षीय प्रमोद कार्कीलाई पनि पक्राउ गरेको छ । प्रहरीले उनीहरुको साथबाट ११४.२६० ग्राम ब्राउन सुगर र दुई वटा स्कुटर समेत बरामद गरेको जनाएको छ ।

गोली लागेका परियारको उपचारपछि प्रहरी नियन्त्रणमा रहेको प्रहरीले जनाएको छ ।