क्यान इन्फोटेकमा स्वदेशी सफ्टवेयर प्राथमिकतामा
काठमाडौँ — आगामी माघमा आयोजना हुने क्यान इन्फोटेकमा नेपाली सफ्टवेयर कम्पनीका उत्पादन, स्टार्ट अप रस्वदेशी प्रविधिका लागि छुट्टै स्टल राखिने भएको छ । कम्प्युटर एसोसिएन नेपाल महासंघ (क्यान महासंघ) ले आयोजना गर्ने सूचना प्रविधि मेलामा यस्ता ४४ वटा स्टल राखिने जनाइएको छ ।
माघ ११ देखि १६ गतेसम्म चल्ने मेलाको अवसरमा खल्ती डटकम, सुविसु, सनराइज बैंकलगायतले अफर सार्वजनिक गर्ने जनाइएको छ ।
‘सुबिसु क्यान इन्फोटेक २०१८ इन एसोसिएसन विथ मोटोरोला’ नम दिइएको मेलाका लागि हलभित्र ४९ वटा ठूला र हल बाहिर ५ वटा ब्रान्डिङ प्रदर्शनी कक्षहरू रहनेछन् । ट्रसमा १४४, खाली ठाउँहरूमा १४ र फुड स्टलहरू १० गरी २२२ स्टल रहनेछन् । मेला अवलोकनका लागि सर्वसाधारणलाई प्रवेश शुल्क १ सय रुपैयाँ र विद्यार्थीलाई ५० रुपैयाँ तोकिएको छ ।
प्रकाशित : माघ ८, २०७४ ०७:४५