ल्याइयो बुद्धको अस्तु
नवलपरासी — शाश्वत धाममा निर्माण गरिने बुद्धिस्ट सेन्टरका लागि गौतम बुद्धको अस्तु ल्याएर बौद्ध चैत्यको शिलान्यास गरिएको छ ।
श्रीलंकाको अनुराधापुरा सहरमा रहेको मिहिन्थले राजामाया विहारवाट बुद्ध भगवानको अस्तु (खरानी) ल्याएर मंगलबार शिलान्यास गरिएको हो । २६ सय ५१ वर्ष पुरानो चैत्यबाट गौतम बुद्धलाई जलाएपछि रहेको अवशेष ल्याइएको हो । व्यवसायी विनोद चौधरीको व्यक्तिगत सम्पर्कका आधारमा त्यहाँको विहारले बुद्ध अस्तु उपलब्ध गराएको हो ।
प्रकाशित : फाल्गुन ९, २०७४ ०६:५२प्रतिक्रिया