दुई दूतावासमा प्रजातन्त्र दिवस
काठमाडौँ — थाइल्यान्डको बैंकक र पाकिस्तानको इस्लामावादस्थित नेपाली दूतावासहरूमा ६८औं राष्ट्रिय प्रजातन्त्र दिवस दीपावलीका साथ मनाइएको छ ।
थाइल्यान्डका लागि नेपाली राजदूत खगनाथ अधिकारीले आयोजना गरेको स्वागत समारोहमा थाई सरकारका उच्च अधिकारी तथा गैरआवासीय नेपाली संघका पदाधिकारीलगायतको उपस्थिति थियो । उक्त दूतावासले दीपावलीका साथ तीन दिनसम्म प्रजातन्त्र दिवस मनाएको जनाइएको छ ।
यस्तै, पाकिस्तानमा राजदूत सेवा लम्साल अधिकारीले आयोजना गरेको समारोहमा पाकिस्तान सरकारका वरिष्ठ अधिकारीका साथै काम एवं अध्ययनका सिलसिलामा पाकिस्तानमा रहेका नेपालीको उपस्थिति रहेको उक्त दूतावासले जनाएको छ ।
प्रकाशित : फाल्गुन ९, २०७४ ०७:०२प्रतिक्रिया