एनआईईसीले ‘अष्ट्रेलिया र न्युजिल्यान्ड एजुकेशन फेयर’ गर्दै

कान्तिपुर संवाददाता

काठमाडौँ — नेपाल इन्टरनेसनल एजुकेसनल कन्सल्टेन्सी (एनआईईसी)ले अष्ट्रेलिया र न्युजिल्यान्ड एजुकेशन फेयर संचालन गर्ने भएको छ ।

विदेशमा उच्च शिक्षा अध्ययन गर्न चाहने विद्यार्थीहरुका लागि लक्षित उक्त मेला यहि साउन २१ गते एनआईईसीको केन्द्रिय कार्यलय पुतलीसडकस्थित शेयर मार्केट कम्प्लेक्स भवनमा आयोजना हुनलागेको हो । विगत १८ वर्षदेखि वैदेशिक उच्च शिक्षाका लागि परामर्श सेवा प्रदान गर्दै आएको एनआईईसीको यस शैक्षिक मेलामा अस्ट्रेलिया र न्युजिल्यान्डका २० भन्दा बढी विश्वविद्यालय, कलेज तथा इन्स्टिच्युटहरुको सहभागिता रहने छ ।

विद्यार्थीले प्रत्यक्ष रुपमा त्यहाँबाट आउने प्रतिनिधिहरुसँग आफ्नो जिज्ञासा राख्न पाउने एनआईईसीकी प्रवन्ध निर्देशक सपना राजभण्डारीले बताइन् ।

Yamaha

प्रबन्ध निर्देशक राजभण्डारीकोअनुसार मेलामा सम्बन्धित देशको जीवनशैली, कानुनी प्रावधान, विश्वविद्यालयको शैक्षिक तथा भौतिकपूर्वाधार, शुल्क, छात्रवृत्ति, विश्वविद्यालयमा उपलब्ध विषयको छनोट आदि लगायतका महत्वपूर्ण जानकारीहरु सहजै प्राप्त हुनेछ ।

मेलामा आईएलटिएसबारे जानकारी दिन ब्रिटिस काउन्सिलका अधिकारीको पनि उपस्थिती हुने छ । यस्तै पार्टनर बैंकहरु सिभिल बैंक र एनएलआईसिसिलगायतको पनि सहभागिता हुनेछ ।

Esewa Pasal

प्रकाशित : श्रावण २०, २०७५ १३:१३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पाल्पा जिप दुर्घटना : वेपत्ता दुवैको शव भेटियो 

माधव अर्याल

पाल्पा — पाल्पाको रिब्दीकोट गाउँपालिका–६ ठिमुरे देउरालीमा जिप दुर्घटना हुँदा वेपत्ता दुई जनाको शव फेला परेको छ । पाल्पाको तानसेन नगरपालिका–१० तेल्घा गणसालका २६ वर्षीय विवेक पौडेल र ३६ वर्षीय टंक चलाउने (डोल्पाली) को पहिरो र सोही सवारी साधनले च्यापिएको अवस्थामा आइतबार शव फेला परेको हो ।

जिल्ला प्रहरी कार्यालय पाल्पाका अनुसार तानसेनबाट रिब्दीकोट गाउँपालिका देउरालीमा बिजुलीको सामान लिएर गएको बा १ च ८९७० नम्बरको जिप शनिबार दिउँसो ४ बजे दुर्घटना हुँदा दुवै जना वेपत्ता भएका थिए।

राति अबेरसम्म खोजी जारी राखेपनि पानी परेकाले समस्या भएको थियो। दुर्घटनाग्रस्त जीप सडकभन्दा ६० मिटर तल भीरमा खसेको र सोही भीरमा माथिबाट पहिरोले च्यापिएर दुवैको मृत्यु भएको हुन सक्ने प्रहरीले जनाएको छ। खोल्सामा मोड रहेको र सोही मोड नकटेर दुर्घटना भएको हुन सक्ने प्रहरीको अनुमान छ। सेना, प्रहरी, सशस्त्र र स्थानीयको सहयोगमा पहिरो र खोल्साबाट शव निकालिएको थियो।
सेनानी मनोज डंगोलका अनुसार सुरक्षाकर्मीले टोचनको सहायतामा शव निकाल्न सकिएको बताए। शनिबार दिउँसो ४ बजेदेखि सवारी साधनसहित वेपत्ता भएकाको खोजी कार्य रातभर भएपनि बिहान मात्र पहिरो र सवारी साधन पन्छाएपछि मात्र शव फेला परेको थियो।

प्रकाशित : श्रावण २०, २०७५ १२:३०
पूरा पढ्नुहोस्
प्रतिक्रिया
पठाउनुहोस्
ADVERTISEMENT