पहिलो त्रैमासिकमै मेगा बैंकको नाफा ४० करोड
काठमाडौँ — मेगा बैंकले ४० करोड रुपैयाँभन्दा बढी नाफा कमाएको छ । आर्थिक वर्ष २०७५/७६ को पहिलो त्रैमासिक अवधिको लागि प्रकाशित वित्तीय विवरण अनुसार बैंकले ४० करोड ४५ लाख खुद मुनाफा कमाएको हो ।
अघिल्लो वर्ष सोही अवधिमा बैंकले ८ करोड १८ लाख मुनाफा गरेको थियो ।
बैंकको कूल निक्षेप अघिल्लो वर्षको तुलनामा २६ अर्ब २७ करोडले वृद्धि भई २०७५ आश्विन मसान्तमा ६६ अर्ब ११ करोड रुपौया पुगेको जनाइएको छ । त्यसैगरी, कर्जा तथा सापटी २६ अर्ब ५४ करोडले वृद्धि भई ६२ अर्ब २५ करोड कायम भएको छ ।
प्रकाशित : कार्तिक २८, २०७५ १७:२८