'अध्ययनपछि देशसेवामा जुटौं'

कार्यक्रममा बोल्दै काठमाडौं क्षेत्र नम्बर ३ का सांसद कृष्ण बहादुर राईले अभिभावकहरुले तत्कालको फाइदाका लागि नभई बालबालिका तथा देशको भविष्यबारे सोच्नुपर्ने बताए । उनले विद्यार्थीले विभिन्न क्षेत्रबाट देश विकासमा टेवा पुर्‍याउन सक्ने धारणा राखे । राईले भने, 'विद्यार्थीहरुले आफ्नो रुचिको क्षेत्र पहिचान गरि त्यसको विकासमार्फत देशलाई समृद्ध बनाउन सक्छन् ।'

काठमाडौं महानगरपालिका-७ का वडाध्यक्ष शुद्ध कुमार डंगोलले नीजि क्षेत्रले बौद्धिक वर्ग उत्पादनमा उल्लेख्य भूमिका निर्वाह गरेको बताए । उनले महानगरपालिका विद्यार्थीको भविष्यका साथै स्वास्थ्य र सुरक्षाबारे पनि उत्तिकै गम्भीर रहेको दाबी गरे ।

'हामी विद्यार्थीको स्वास्थलाई मध्यनगर गर्दै शैक्षिक संस्थामा जंक फुडमाथि प्रतिबन्ध लगाउने तथा विपत व्यवस्थापनका उपाय अबलम्बन गर्ने तयारीमा छौं,' डंगोलले भने । स्कुलका पि्रन्सिपल प्रेम सिंह श्रेष्ठले सन् २००६ देखि आफूहरु 'नाफा कमाउने भन्दा पनि राष्ट्रिय तथा अन्तर्राष्ट्रिय क्षेत्रमा प्रतिस्पर्धी शैक्षिक उत्पादमा जोड दिएको' दाबी गरे ।

कार्यक्रममा विभिन्न कक्षाका विद्यार्थीहरुले गीतसंगीत, नृत्य, कविता तथा नाटक प्रदर्शन गरेका थिए । कार्यक्रममा प्रमुख अतिथि समेत रहेका सांसद राईले उत्कृष्ट हुने विद्यार्थीहरुलाई मेडल तथा प्रमाणपत्रसहित सम्मान गरेका थिए ।