गरिब दासीय प्रधानाचार्यको निधन
काठमाडौँ — हिन्दू पद्धतीमा गरिब दासीय सम्प्रदायका प्रधानाचार्य महामण्डलेश्वर डा.श्यामसुन्दर दास शास्त्रीको ९८ वर्षको उमेरमा बुधबार राति हरिद्वार आश्रममा निधन भएको छ ।
भारतमा बसेर संस्कृत विषयमा अध्ययन गर्ने नेपाली विद्यार्थीको संरक्षण संस्था नेपाली छात्र परिषद्का संरक्षक शास्त्री हरिद्वारमा गरिब दासीय विद्यालय, धर्मशाला आदि सामाजिक निकायका संस्थापक हुन् ।
हरिद्वारस्थित नेपाली समाजका अभियन्ता पुष्पराज पाण्डेयका अनुसार, हरिद्वार–ऋषिकेशस्थित नेपाली समाजले बिहीबार शास्त्रीको निधनमा शोकसभाको आयोजना गरेको थियो । शास्त्रीको बिहिबारै अन्तिम संस्कार सम्पन्न भएको छ ।
प्रतिक्रिया