पुलिसको उच्च प्रदर्शन कायमै

कान्तिपुर संवाददाता

काठमाडौँ — राखेप च्याम्पियनसिपअन्तर्गत ३९ औं हुआवे राष्ट्रिय टेबलटेनिस प्रतियोगितामा नेपाल पुलिस क्लबले दोस्रो दिन पनि उच्च प्रदर्शन कायम राखेको छ । बिहीबार डबल्सतर्फको इभेन्टमा पुलिसका खेलाडीले क्वाटरफाइनल यात्रा तय गरे ।

पुलिसका राकेश महर्जन भक्तपुरका रजोज मान थकुविरुद्ध खेल्दै ।

मिक्स डबल्समा पुलिसका स्यान्टु श्रेष्ठ र एलिना महर्जन तथा दीप साउन र नविता श्रेष्ठको जोडी विजयी रहे । त्यससँगै आर्मीका चन्दन शाही र स्वेच्छा नेम्वाङ, एपीएफका पुरुषोत्तम वज्राचार्य र सिक्का सुवाल, एपीएफकै अमरलाल मल्ल र सेलिशा खड्गी, आर्मीका कृष्ण थापामगर र दीक्षा तामाङ, सुनसरीका गणेश तामाङ र रुपा लिम्बू तथा सुनसरीका राजन सुब्बा र गीता भुजेलको जोडी क्वाटरफाइनल पुगे ।

Yamaha

पुरुष डबल्समा पुलिसका स्यान्टु र दीप तथा विनेश खनियाँ र प्रदीप रोका, मोरङका सन्तोष काफ्ले र प्रवेश न्यौपाने, आर्मीका कृष्ण थापामगर र नारायण घिमिरे, एपीएफका अमरलाल र पुरुषोत्तम, ललितपुरका रितिज जोशी र विपुल महर्जन, धनुषाका नवीनबहादुर सिंह र दीपकबहादुर सिंह तथा भक्तपुरका विवेक कवा: र रजोजमान थाकुको जोडीले क्वाटरफाइनल यात्रा तय गरे ।

पुलिसका एलिना र नविता तथा सोनु थापामगर र मञ्जु सुवाल महिला डबल्समा क्वाटरफाइनल पुगे । उनीहरूसँगै आर्मीका स्वेच्छा नेम्वाङ र रविना महर्जन, एपीएफका सेलिशा खड्गी र सिक्का सुवाल, आर्मीका दीक्षा दाहाल र दीक्षा तामाङ, सुनसरीका गीता भुजेल र रुपा लिम्बू, रूपन्देहीका अमृता थापा र गीता अर्याल तथा ललितपुरका अनुष्का प्रसाईं र लसता महर्जनको जोडीले अन्तिम आठमा स्थान सुरक्षित गरेका छन् ।

Esewa Pasal

प्रकाशित : पुस २८, २०७४ ०६:४४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

एपीएफ लिग च्याम्पियन

कान्तिपुर संवाददाता

काठमाडौँ — फरवार्ड सावित्रा भण्डारीले उत्कृष्ट फर्म जारी राख्दै अन्तिम खेलमा पनि दुई गोल गरेसँगै सशस्त्र प्रहरी बलको एपीएफ क्लबले राखेप च्याम्पियनसिपअन्तर्गत १६ औं राष्ट्रिय महिला लिगको उपाधि जितेको छ ।

पहिलोपल्ट लिग जितेको एपीएफ महिला टोली ।

सुपर लिगको अन्तिम खेलमा एपीएफले नेपाल पुलिस क्लबलाई ३–१ ले पराजित गर्दै ट्रफी उचाल्यो । एपीएफ अपराजित हुँदै लिग भएको हो । एपीएफको यो पहिलो लिग उपाधि हो । साबिक विजेता पुलिसले लगातार तीनपल्ट लिग जितेको थियो । टोलीको चौथोपल्ट लिग जित्ने सिलसिलामा पूर्णविराम लागेको हो ।

विभागीय टोलीबीचको प्रतिस्पर्धात्मक खेलमा एपीएफले पहिलो हाफको १७ औं मिनेटमा सुरुआती अग्रता लियो । अनिता बस्नेतले मैदानको दायाँ विंग्सबाट दिएको क्रस पुलिसकी गोलरक्षक सुस्मिता ठकुरीले सम्हाल्न नसक्दा सावित्राले खाली पोस्टमा गोल गर्दै टोलीलाई अग्रता दिलाइन् । त्यसपछि सरु लिम्बूले टोलीको अग्रता दोब्बर पार्दै एपीएफको पकड बलियो पारिन् । तर, एपीएफकी गोलरक्षक एन्जिला सुब्बाको गल्तीको फाइदा उठाउँदै पुलिसले खेलमा पुनरागमन गर्ने आशा जगायो । रुपा मगरले ३४ औं मिनेटमा गोल गरेपछि खेल थप प्रतिस्पर्धात्मक बन्यो ।
उत्कृष्ट गोलरक्षक एपीएफकी एन्जिला तुम्बापो सुब्बा।

दोस्रो हाफमा एपीएफले लगातार आक्रमण बुने पनि पुलिसकी गोलरक्षक सुस्मिताले राम्रो
बचाउ गरिन् । खुट्टाको चोट बाबजुद खेलेकी उनले ७४ औं मिनेटमा भने गोल बचाउन सकिनन् । सावित्राले सुस्मिता ठाउँमा नरहेको अवस्थामा गोल गर्दै एपीएफको जित पक्का गरिन् । सावित्राले प्रतियोगिताका ६ खेलमा २९ गोल गरिन् ।

जितपछि एपीएफका प्रशिक्षक जनक सिंहले उपाधि जित्दा खुसी भए पनि प्रदर्शन भने सन्तोषजनक मात्र रहेको प्रतिक्रिया दिए । ‘हाम्रो प्रदर्शन सन्तोषजनक रह्यो । उपाधि जित्दा खुसी पक्कै छु तर आशा गरेअनुसार खेलाडीले प्रदर्शन गर्न सकेनन् । यो भन्दा अझै राम्रो नतिजा ल्याउने अपेक्षा राखेका थियौं,’ उनले भने ।

त्यसअघि दिनको पहिलो खेलमा त्रिभुवन आर्मीले सुदूरपश्चिमाञ्चललाई ७–० ले हरायो । टोलीको जितमा कप्तान कृष्णा खत्रीले ५ गोल गरिन् । त्यसमा शर्मिला थापामगर र बिमला चौधरीले १–१ गोल थपे । प्रतियोगिताको विजेता एपीएफले २ लाख र उपविजेता आर्मीले १ लाख रुपैयाँ पुरस्कार पाए । तेस्रो स्थानको पुलिसले ५० हजारमा चित्त बुझायो ।


विधागत उत्कृष्ट (जनही २५ हजार)
गोलरक्षक एन्जिला तुम्बापो सुब्बा, एपीएफ
डिफेन्डर अञ्चली वाइबा, आर्मी
मिडफिल्डर दीपा राई, आर्मी
फरवार्ड सावित्रा भण्डारी, एपीएफ
प्रशिक्षक जनक सिंह, एपीएफ

सुपरलिग अंक तालिका
टोली जित हार अंक
एपीएफ ३ ० ९
आर्मी २ १ ६
पुलिस १ २ ३
सुदूरपश्चिम ० ३ ०

प्रकाशित : पुस २८, २०७४ ०६:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT