कञ्चनपुर र बारालाई ३–३ स्वर्ण

प्रताप विष्ट

हेटौडा — राखेप च्याम्पियनसिपको कुस्ती प्रतियोगितामा कञ्चनपुर र बारा जिल्लाले ३–३ स्वर्ण पदक जितेका छन् । कुल १५ स्वर्णका लागि भएको प्रतियोगितामा कञ्चनपुरले महिला ५३ केजी र ५८ केजी तथा पुरुष ७० केजीतर्फ स्वर्ण जितेको छ भने बाराले पुरुष ५७, ७४ र ८६ केजी तौलमा स्वर्ण जितेको हो । 

पर्सा र आर्मीले २–२ स्वर्ण जिते । डडेलधुरा, कैलाली, बाँके, झापा र सुनसरीले १–१ स्वर्ण जितेका छन् ।
महिला ४५ केजीमा आशाकुमारी खत्वेले स्वर्ण जितिन् । उनको तौलमा प्रतिस्पर्धी नै थिएन । ४८ केजीमा डडेल्धुराकी शिवानी देवुले सुनसरीकी राजकुमारी खत्रीलाई हराएर स्वर्ण जितिन् । झापाकी फुलमाया थाङसुहाङले कांस्य पदक थापिन् । ५३ केजीमा कञ्चनपुरकी माया लोहारले स्वर्ण, ललितपुरकी मेञ्जन तामाङले रजत र सुर्खेतकी अनु आमुराले कांस्य जितेका थिए ।
५७ केजीमा बाराका रामबाबु यादवले आर्मीका तिलक देउजालाई हराएर स्वर्ण जितेका थिए । सिरहाका रामदीक्षित यादव र पर्साका शिवमंगल यादवले कांस्य जिते । महिला ५८ केजीमा कञ्चनपुरकी संगीता धामीले स्वर्ण जित्दा आर्मीकी कल्पना बिकलाई हराइन् । ६० केजीको स्वर्ण आर्मीकी कविता पुनले जितिन् । उनले कैलालीकी नीला आहुजीलाई हराइन् ।
पुरुष ६१ केजीमा कैलालीका सन्तोष एसकेले स्वर्ण जिते । उनले फाइनलमा सिरहाका अमरनाथ यादवलाई हराए । महिला ६३ केजीको स्वर्ण आर्मीकी सुशीला चन्दले जितिन् । उनले बाँकेकी गंगा ओलीलाई हराइन् । पुरुष ६५ केजीको स्वर्ण पर्साका सरोज यादवले बाराका कृष्ण यादवलाई हराएर जिते ।
महिला ६९ केजीमा झापाकी सदीक्षा राईले स्वर्ण जितिन् । आफ्नो तौलमा उनी एक्ली प्रतिस्पर्धी थिइन् । पुरुष ७० केजीमा कञ्चनपुरका सुरेश चुनाराले स्वर्ण जित्दा सिराहाका वीरेन्द्रकुमार यादवलाई हराएका थिए । ७४ केजीको स्वर्ण बाराका मुख्तर आलमले जिते । उनले फाइनलमा पुलिसका विनोद सहनी हराए । ८६ केजीमा बाराका बुन्नीलाल राउत, ९७ केजीमा बाँकेका रमेश गोतामे र १२५ केजी तौलमा पर्साका राज यादवले स्वर्ण जिते । राजले महोत्तरीका जितेन्द्र यादवलाई हराए ।

प्रकाशित : पुस २९, २०७४ ०६:५३
ADVERTISEMENT
प्रतिक्रिया
पठाउनुहोस्
ADVERTISEMENT

काठमाडौं र नेपालगन्ज विजयी

कान्तिपुर संवाददाता

इटहरी — दोस्रो यू–१९ इटहरी प्रिमियर लिग क्रिकेटमा शुक्रबार पहिलो दिन काठमाडौं र नेपालगन्ज विजयी भएका छन् । 

इटहरी क्रिकेट एकेडेमीको आयोजनामा सुरु भएको प्रतियोगिताको पहिलो खेलमा काठमाडौंले विराटनगरलाइ ७ रनले हरायो । इटहरीस्थित डीभीएम स्कुलको पिचमा टस हारेर ब्याटिङ गरेको काठमाडौंले निर्धारित १५ ओभरमध्ये एक बलअघि अलआउट हुँदै ८४ रन बनायो । म्यान अफ द म्याच अरुण ऐरीले २३ रन बनाउँदा अभ्यास थापा १३ रनमा नटआउट रहे । अन्यले दोहोरो अंकमा रन जोड्न सकेनन् । विराटनगरका मिनस थापाले ३ विकेट लिए ।
८५ रनको लक्ष्य पाएको विराटनगर १५ ओभरमा ५ विकेट गुमाई ७७ रनमा समेटियो । लव कामतले सर्वाधिक २२ रन बनाउँदा अंकित सुवेदीले २१ र मिनश थापाले १२ रन जोडे । बलिङमा काठमाडौंका पवन कार्कीले २ विकेट लिए ।
शुक्रबारै नेपालगन्जले भैरहवामाथि २२ रनको विजय पाएको छ । टस जितेको नेपालगन्जले २० ओभरमा ८३ रन बनायो । विनायक गिरीले सर्वाधिक ३२ र लव कुश यादवले १४ रन जोडे । भैरहवाका तुलबहादुर थापा र विकर्ण बस्नेतले २–२ विकेट लिए । जवाफी ब्याटिङमा भैरहवा १५.१ ओभरमै ६२ रनमा अलआउट भयो । सिजन मकाजुले १० रन बनाए । म्यान अफ द म्याच नेपालगन्जका लवकुश यादव घोषित भए ।

प्रकाशित : पुस २९, २०७४ ०६:५२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT