घर बाहिर जित्नै गाह्रो

कान्तिपुर संवाददाता

काठमाडौँ — टेस्ट क्रिकेटमा दर्शकको संख्या घटै छ । किनभने सबैलाई थाहा छ, कसले जित्ने छ । खेलमा यस्तो हुन्छ भने त्यो राम्रो होइन । म न्युकासल समर्थक हुँ । मलाई लाग्छ, प्रत्येक खेलमा मेरो टिम जित्ने छ । उनीहरूले पक्कै यस्तो गर्न सक्ने छैनन् तर यस्तो सम्भावना बढी छ । यदि यसलाई एसेज क्रिकेट शृंखलामा इंग्ल्यान्डले अस्ट्ेरलियालाई हराउँछ भन्ने तथ्यसँग तुलना गरिन्छ ।’ 

इंग्ल्यान्डका कप्तान जो रुट । 

यो भनाइ हो पूर्व इंग्लिस स्पिनर ग्रेम स्वानको । साँच्चै के टेस्ट क्रिकेट यति साह्रो पूर्वानुमान गर्न सकिने भएको हो त ?
वा भनौं क्रिकेटमा घरबाहिर जत्तिको जित्न अरु कुनै खेलमा गाह्रो छैन हो त ? जस्तो इंग्ल्यान्डकै प्रसङ्ग । यो टिमले घरमा जित्ने सम्भावना जति बढी छ, बाहिर हार्ने सम्भावना पनि उत्तिकै बढी । सन् २००१ यता इंग्ल्यान्डले घरमा एसेज शृंखला गुमाएको छैन, जबकि सन् १९८६–८७ यता इंग्ल्यान्डले अस्ट्ेरलियामा एकपल्ट मात्र जितेको छ । यसपल्ट पनि इंग्ल्यान्डले एसेज शृंखला ४–० ले गुमायो । सन् २०१३–१४ मा यो हारको अन्तर ५–० रह्यो ।

Yamaha

त्यसैले पनि टेस्ट क्रिकेट पण्डित एड स्मिथले पनि माने, ‘साँच्चै म पनि चिन्तित छु । टेस्ट क्रिकेटमा पूर्वानुमान गर्न कति सजिलो भएको छ ।’ यसै कारण कतै टेस्ट क्रिकेट रमाइलो पनि हुन छाडेको त छैन ? अर्को प्रश्न । टेस्ट क्रिकेटमा घरेलु टिम वास्तवमै बलियो हुन्छ । यस पछाडि धेरै कारण पनि छन् । फेरि यो खासै नयाँ तथ्य भने होइन । पछिल्ला वर्षका केही शृंखलालाई उदाहरण मान्ने हो भने पनि घर बाहिर गएर जित्ने प्रवृत्तिमा खासै परिवर्तन आएको छैन । यदि पुराना दिनसँग दाँज्ने हो भने ।
पछिल्लो सय वर्षको टेस्ट क्रिकेट इतिहास पल्टाउने हो भने घर बाहिर गएर शृंखला जित्ने सम्भावना २०–३० प्रतिशतमात्र छ । सन् ९० मा यो प्रतिशत २३ थियो । सन् २०१० तिर पुगेर यो २७ प्रतिशत भएको छ । यसरी घरेलु टिम बलियो हुनुको प्रमुख कारण त अरु केही होइन, पिच नै हो । प्रस्ट छ, टेस्ट खेल्ने सबै १० देशले आफ्ना प्रतिद्वन्द्वीका लागि फरक प्रकृतिको पिच प्रस्तुत गर्ने गर्छ । अस्ट्ेरलिया र दक्षिण अफ्रिकामा बल खुबै बाउन्स हुन्छ ।
त्यसैले त्यतातिर तीव्र गतिका बलर राजाजस्तै हुन्छन् । इंग्ल्यान्ड, न्युजिल्यान्ड र भारततिर बलले स्विङ खाने गर्छ, ब्याट्सम्यानलाई छाडेर । त्यसैले पेसम्यानभन्दा बल स्वीङ गराउन सक्ने बलर यी देशका पिचमा सफल हुने गर्छन् । हुँदा(हुँदा बल पनि फरक हुने गर्छ । जस्तो इंग्ल्यान्डतिर टेस्ट खेल्दा डयुक बल प्रयोग हुन्छ । अस्ट्ेरलियातिर कुकाबुरा । सबैलाई थाहा छ, डयुक बलले बलरलाई फाइदा दिन्छ । एउटा बलमा माहिर ब्याट्सम्यान अर्को बलमा औसत खेलाडी हुनसक्छ ।
सायद अर्को एउटा प्रमुख कारण टिमले विदेश भ्रमण गर्दा त्यसअनुसार पर्याप्त तयारी पनि गर्न सकेको हुन्न । त्यसमाथि अचेल शृंखला कम समयावधिको हुन थालेको छ । त्यसैले भ्रमणकारी टिमले अभ्यास खेल पनि कम पाउन थालेका छन् । यस्तोमा घरेलु टिमले आफूअनुकुल पिच बनाउँछ । त्यसमा खेल्ने अनुभव नै विपक्षी टिमसँग छैन भने समान टक्कर कसरी हुन्छ । त्यसमाथि विपक्षी टिमबारे खेल्नुअगाडि नै सबै थाहा भइसकेको हुन्छ ।
अझ विपक्षी टिमलाई गाह्रो हुने कारण आफूले भ्रमण गरेको देशको मौसम फरक हुनु पनि हुन्छ । आखिरमा मौसमले पनि क्रिकेटमा धेरे फरक पार्छ नै । अब मूल प्रश्न, के टेस्ट क्रिकेटमा भ्रमणकारी टिमलाई जति गाह्रो हुन्छ, त्यत्तिकै अरु खेलमा पनि हुने गर्छ त ? हार्वर्ड विश्वविद्यालयले गरेको अनुसन्धानमा के निस्केको छ भने कम्तीमा फुटबलसँग तुलना गर्दा त टेस्ट क्रिकेट पाहुना टिमका लागि निर्दयी नै साबित हुने गर्छ । तर पनि क्रिकेट अनिश्चिताको खेल हो, यसमा असम्भव भन्ने केही हुन्न । -मार्क हिगिन्सन, लन्डन (बीबीसी)

Esewa Pasal

प्रकाशित : पुस २९, २०७४ ०६:५८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

दिनेशले तोडे १९ वर्षअघिको कीर्तिमान

कान्तिपुर संवाददाता

लेखनाथ — आर्मीका दिनेश श्रेष्ठले राष्ट्रिय भारोत्तोलनमा १ सय ५ केजी तौल समूहको १९ वर्षपछि पुरानो राष्ट्रिय कीर्तिमान तोडेका छन् । सन् १९९९ मा काठमाडौंमा सम्पन्न आठौं दक्षिण एसियाली खेलुकदमा मदन शिवभक्तिले स्न्याचतर्फ बनाएको १ सय २० केजीको कीर्तिमान दिनेशले भंग गरेका हुन् । उनले शुक्रबार पोखरामा १ सय २१ केजी उचालेर नयाँ राष्ट्रिय कीर्तिमान स्थापित गरे । 

राष्ट्रिय भारोत्तोलनमा राष्ट्रिय कीर्तिमान बनाएका आर्मीका दिनेश श्रेष्ठ । १०५ केजी तौल समूहमा उनले १९ वर्षअघिको राष्ट्रिय कीर्तिमान तोडेका गरे । 

राखेप च्याम्पियनसिपअन्तर्गत २३ औं पुरुष तथा आठौं महिला राष्ट्रिय भारोत्तोलनमा क्लिन एन्ड जर्क र कुलमा समेत पहिलो भएर दिनेशले तीन स्वर्ण आºनो पक्षमा पारे । स्न्याचमा १ सय २५ केजी उचाल्ने प्रयास भने असफल रह्यो । उनले क्लिन एन्ड जर्कमा १ सय ४० केजीसहित कुल २ सय ६१ केजी भार बहन गरे । स्न्याचतर्फ पुलिसका सन्देश गुरुङले १ सय केजीसाथ रजत र बाराका मोहम्मद आशिफ हुसेनले ८८ केजीसाथ कांस्य जिते । सन्देशले क्लिन एन्ड जर्कमा १ सय ३२ र कुल २ सय ३२ केजीसाथ रजत र हुसेनले क्लिन एन्ड जर्कमा १ सय ५ र कुल १ सय ९३ केजीसाथ कांस्य पाए ।
पोखरा उद्योग वाणिज्य संघको हलमा प्रतियोगिताको अन्तिम दिन आर्मीकै पुकार गुरुङले १ सय ५ केजी माथिको तौलमा आºनै नामको कीर्तिमान सुधार्दै स्वर्ण जिते । उनले स्न्याचमा सातौं राष्ट्रिय खेलकुदमा राखेको १ सय २४ केजी तौलमा सुधार गर्दै १ सय २५ केजी भार बहन गरे । दोस्रो स्थानमा पुलिसका राजीव महर्जन रहे । उनले ९५ केजी भार उचाले । कञ्चनपुरका सुवास उपाध्यायले ८७ केजीसाथ स्न्याचमा कांस्य पाए । पुकारले क्लिनमा १ सय ४० केजी र कुल २ सय १५ केजी गरी पहिलो स्थान हात पारे । क्लिन एन्ड जर्कमा सुवासले १ सय २० केजीसाथ रजत जिते । राजीवले क्लिनमा १ सय १८ केजी उचालेर कांस्य जिते । कुलतर्फ राजीवले रजत र सुवासले कांस्य पाए ।
८५ केजी तौलमा आर्मीका सुरेन्द्र श्रेष्ठले स्वर्ण हात पारे । उनले स्न्याचमा १ सय ५, क्लिन एन्ड जर्कमा १ सय २७ केजी भार बहन गरे । पुलिसका गगन चन्दले स्न्याचमा ९३, क्लिनमा १ सय १७ केजी भार उचालेर रजतमा चित्त बुझाए । तेस्रो भएका कञ्चनपुरका विशालसिंह विष्टले स्न्याचमा ८५, क्लिनमा १ सय १५ केजी उचालेका थिए । पुरुषकै ९४ केजी तौलमा आर्मीका टहलबहादुर बसेलले क्लिन एन्ड जर्क र कुलतर्फ स्वर्ण जिते । उनले क्लिनमा १ सय २७ र कुलमा २ सय १७ केजी उचाल्न सफल भए । उनले स्न्याचमा भने ९० केजीमात्रै उचालेर रजतमा चित्त बुझाउनुपर्‍यो । उनले स्न्याचमा पुलिसका श्रीकृष्ण महर्जनलाई स्वर्ण सुम्पे । श्रीकृष्णले स्न्याचमा १ सय केजी उचाले । उनले क्लिनमा १ सय १० केजी र कुलमा २ सय १० केजीसाथ रजत थापे । भक्तपुरका जयदी कोजुले स्न्याचमा ८१ केजी, क्लिनमा १ सय १० केजीसहितकुल १ सय ९१ केजी उचालेर तीन कांस्य पाए ।
च्याम्पियनसिपमा आर्मीका कमलबहादुर अधिकारीले पुरुषतर्फ स्ट्रोङगेष्ट र उत्कृष्ट लिफ्टरको उपाधि जितेका छन् । महिलामा स्ट्रोङगेस्ट खेलाडीमा पुलिसकी तारादेवी पुन र उत्कृष्ट लिफ्टरमा आर्मीकी सञ्जु चौधरी चुनिए । उनीहरूले जनही ५ हजार पुरस्कार पाए । राष्ट्रिय कीर्तिमान बनाएका खेलाडीले पनि ५ हजार पुरस्कार पाए । प्रतियोगितामा सात राष्ट्रिय कीर्तिमान बनेका थिए ।
आर्मी, प्रहरी र एपीएफसहित १४ जिल्लाका २४ महिला र ५९ पुरुष खेलाडीको सहभागिता थियो ।

प्रकाशित : पुस २९, २०७४ ०६:५६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT