पुरानो आइफोन स्लो बनाएको एप्पलले स्वीकार्यो
एजेन्सी — एप्पलले पुराना आइफोन स्लो बनाउने गरेको स्वीकारेको छ । प्रयोगकर्तालाई नयाँ आइफोन किन्न प्रोत्साहिन गर्न एप्पल आफैंले पुराना आइफोन स्लो बनाउने गरेको अपुष्ट आरोप लाग्दै आएको थियो ।
यसैसाता एक टेक्नोलोजीसम्बन्धी जानकारी दिने वेबसाइटले नयाँ व्याट्री राखेपछि पुरानो आइफोन पनि राम्ररी चल्ने तर पुरानै व्याट्रीमा भने स्लो हुने भन्दै एप्पल आफैंले यसो गरेको आरोप लगाएको थियो ।
कम्पनीले अहिले भने केही पुराना मोडलका आइफोनको कार्यक्षमता घटाएको स्वीकारेको बीबीसीले लेखेको छ । पुराना आइफोनको व्याट्रीको कार्यक्षमता समेत घट्दै जाने हुनाले त्यसैअनुसार आइफोनको कार्यक्षमता पनि घटाउनु परेको कम्पनीले स्वीकारेको छ ।
कम्पनीले यसलाई पुराना आइफोनमा व्याट्री कम हुने वित्तिकै प्रोसेसरलाई चाहिने ऊर्जा प्रदान गर्न नसकेर बन्द हुने समस्या समाधानको लागि यसको कार्यक्षमतालाई कम गरेको बताएको छ ।
प्रकाशित : पुस ६, २०७४ १८:०१
