सुशासन एप–सिंहदरबार

कान्तिपुर संवाददाता

काठमाडौँ — कृषि विभागले केके काम गर्छ ?, वैदेशिक रोजगार विभागमा कसरी सेवा लिने ? पासपोर्ट बनाउने फाराम कसरी भर्ने ? यिनै जानकारी सहितको सिंहदरबार एप सार्वजनिक भएको छ ।

यसलाई सार्वजनिक गर्ने संस्था सर्च फर कमन ग्राउण्डले यसलाई ‘सुशासन एप’ भनेको छ ।

गतसाता राजधानीमा भएको नेक्स्ट ग्रोथ कन्क्लेभमा यसलाई सार्वजनिक गरिएको हो ।

एपमा विभिन्न सरकारी निकायले दिने सेवा, ति सेवा लिन पूरा गर्नुपर्ने प्रक्रियाबारे जानकारी दिन्छ । संस्थाका कन्ट्री डाइरेक्टर डा. भोलाप्रसाद दाहालले एपले सुशासनको लागि सहयोगी भूमिका खेल्ने विश्वास व्यक्त गरे ।

एपमा सुशासनसम्बन्धी टेलिभिजन कार्यक्रम सिंहदरबार र रेडियो कार्यक्रमसम्म समेत हेर्न र सुन्न सकिन्छ । साथै, नेपालको संविधान नेपाली र अंग्रेजी दुवै भाषामा पढ्ने सुविधा छ ।

सर्च फर कमन ग्राउण्डका सञ्चार संयोजक आयूष जोशीले एपले सरकारी सेवा र अन्य जानकारीहरु दिने भएकाले हरेक व्यक्तिको लागि यो उपयोगी हुने बताए ।

प्रकाशित : पुस १५, २०७४ १५:५१
प्रतिक्रिया
पठाउनुहोस्

‘लाहुरे’को रिलिज मिति घोषणा

कान्तिपुर संवाददाता

काठमाडौँ — पूर्व मिस सृष्टि श्रेष्ठ, नरेन लिम्बु र मिरुना मगर अभिनित चलचित्र लाउरेको प्रदर्शन मिति घोषणा भएको छ ।

वैशाख २८ गते (११ मे) मा फिल्म देशव्यापी रिलिज हुने निर्माण कम्पनी दुर्गिस फिल्मसले जनाएको छ ।

पप गायकको रुपमा ख्याति बटुलेका लिम्बु यही चलचित्रमार्फत डेब्यु गर्दैछन् ।

विक्रमसिंह थारु निर्देशित फिल्मलाई सुनिल रावल, ईश्वर श्रेष्ठ, सुवास लामिछाने र भेषमणी श्रेष्ठले निर्माण गरेका हुन् ।
आलोक शुक्लाको छायांकन रहेको सिनेमाको पटकथा नेगेटिभ बुद्धले लेखेका हुन् ।

प्रकाशित : पुस १५, २०७४ १५:५१
पूरा पढ्नुहोस्
प्रतिक्रिया
पठाउनुहोस्