ककपिटमा झगडा गर्ने पाइलट बर्खास्त

मुम्बई — भारतीय वायुसेवा कम्पनी जेट एयरलाइन्सले उडानका क्रममा ककपिटमा झगडा गर्ने दुई पाइलटलाई बर्खास्त गरेको छ । एयरलाइन्सद्वारा मंगलबार जारी विज्ञप्तिमा ‘तत्काल लागू हुने गरी दुवै जनालाई सेवाबाट बर्खास्त गरिएको’ उल्लेख छ ।

गत जनवरी १ मा लन्डनदेखि मुम्बईको उडानका क्रममा एक महिला र एक पुरुष पाइलटले एकआपसमा कुटाकुट गरेका थिए । उक्त उडानमा ३ सय २४ जना यात्रुहरू थिए । उडान मुम्बईमा सुरक्षित अवतरण गरिएको थियो ।

स्थानीय सञ्चारमाध्यमले प्रत्यक्षदर्शीलाई उद्धृत गर्दै जनाएअनुसार पुरुष पाइलटले महिला सहकर्मीको गालामा झापट हानका थिए । लगत्तै आँसु झार्दै ककपिट छाडेकी उनलाई अन्य सहकर्मीले सम्झाएपछि फर्केकी थिइन् ।

भारतीय नागरिक उड्ययन अधिकारीका अनुसार पाइलटले उक्त समय सुरक्षा नियम उल्लंघन गर्दै दुई पटकसम्म ककपिट छाडेकी थिइन् । जेट एयरलाइन्सका प्रवक्ताले घटनाको पुष्टि गरे पनि विस्तृत विवरण दिन अस्वीकार गरे ।

उनले उक्त घटनाबारे नागरिक उड्ययन निकायलाई जानकारी गराइएको जानकारी दिए ।
प्रवक्ताले ‘यात्रुको सुरक्षाविपरीतको कार्य गर्ने कर्मचारीप्रति एयरलाइन्सको शून्य सहनशीलता रहेको’ बताए ।

प्रकाशित : पुस २६, २०७४ ०८:१५
ADVERTISEMENT
प्रतिक्रिया
पठाउनुहोस्
ADVERTISEMENT

आक्रमणमा ४० मारिए

दमास्कस — सिरियाको विद्रोही नियन्त्रित क्षेत्र इडलिबमा मंगलबार भएका शृंखलाबद्ध हवाई आक्रमण तथा विस्फोटका कारण ४० जनाको मृत्यु भएको छ । सोमबार एक सानो विद्रोही समूहको मुख्यालयमा भएको विस्फोटमा २५ जनाको मृत्यु भएको थियो ।

इडबिल विद्रोहीको नियन्त्रणमा रहेको सिरियाको उत्तर–पश्चिममा पर्ने इडबिल विद्रोहीको नियन्त्रणमा रहेको सहर हो ।

त्यसैगरी, सिरियाली र रूसी सेनाको संयुक्त हवाई टोलीले गरेको आक्रमणमा थप १५ जनाको मृत्यु भएको हो । इडबिलको दक्षिण–पश्चिम क्षेत्रमा पर्ने सिन्जर सिरियाली सेनाले नियन्त्रणमा लिएको जनाएलगत्तै आक्रमण भएको हो । सेनाले उनीहरू सन् २०१५ मा विद्रोहीले नियन्त्रणमा लिएको अबु अल–जुहोरतर्फ अगाडि बढेको जनाएको छ ।

बेलायती मानव अधिकारवादी संस्था ‘अब्जरभेटरी फर हयुमन राइट्स’ ले मृत्यु हुनेहरूमा ४ बालबालिका, ११ महिला छन् । प्रत्यक्षदर्शीका अनुसार विस्फोटका कारण दर्जनौं भवन र गाडीहरू क्षतिग्रस्त भएका छन् ।

सिरियाली सेनाले सन् २०१५ मा भएको भीषण युद्धपछि उक्त क्षेत्रको नियन्त्रण गुमाएको हो । त्यसयता उनीहरूबीच पटक–पटक भिडन्तहरू भएका छन् ।

प्रकाशित : पुस २६, २०७४ ०८:१४
पूरा पढ्नुहोस्
ADVERTISEMENT
प्रतिक्रिया
पठाउनुहोस्