दीपेन्द्र शाक्य

हावाहुरीले ११ घर क्षति

संखुवासभाको धर्मदेवी नगरपालिकामा पानीसँगै एक्कासी आएको हावाहुरीले ११ घरमा क्षति पुर्‍याएको छ । हावाहुरीले करिव २ करोड बरावरको क्षति पुर्‍याएको धर्मदेवी नगरपालिकाले जनाएको छ ।

पानी खोज्दै बसाइँ

जिल्लाका तीन स्थानीय तहमा खानेपानीको चरम समस्या छ । नजिकै मुहान नहुँदा घण्टौ लाम बसेर पानी ल्याउनुपर्ने अवस्था छ । पानी अभावकै कारण बसाइँ सराइ तीव्र भएको छ । अहिलेसम्म ४५ घरपरिवारले गाउँ छाडेका छन् । चैनपुर नगरपालिकाका १०, धर्मदेवी नगरपालिकाका २५ र पाँचखपन नगरपालिकाका १० घरपरिवार  बसाइँ सरेका हुन् । सीमित संख्यामा रहेका पानीको स्रोत सुक्दै गएको र जनसंख्या बढेकाले अभाव भएको स्थानीयको भनाइ छ ।

अरुण तेस्रोमा मुआब्जा विवाद कायमै

अरुण तेस्रो जलविद्युत् आयोजनाको करिब २० प्रतिशत काम सकिए पनि मुआब्जा विवाद भने कायमै छ । छ्याङकुटीबाट पावर हाउसस्थल दिदिङसम्मको मुआब्जा विवाद नमिलेको हो । करिब २४ किलोमिटर सडकको केही खण्डमा मुआब्जा नपाएको गुनासो स्थानीयले गरेका छन् ।

पुल नहुँदा ढुवानी महँगो

अरुण नदीमा पुल नहुँदा उपभोग्य सामान ढुवानीमा समस्या भएको छ  । यसले गर्दा महँगो भाडा तिरेर जसोतसो ढुवानी गर्नुपरेको व्यवसायीले बताएका छन्  ।

ट्याक्सी तार्न ३ हजार

ट्याक्सी चालक प्रदीप तामाङलाई अरुण नदी तार्न डुंगाको सहायता लिनुपर्‍यो । उनले खाँदबारीबाट भोजपुरको दिंलामा ट्याक्सी चलाउन लैजाँदा ३ हजार रुपैयाँ डुंगा तार्नेलाई तिरे अनि कष्टपूर्ण ढंगले अरुण तारेर दिंलातर्फ ट्याक्सी लगे ।

दीपेन्द्र शाक्यका लेखहरु :

सडकले जोडिँदै उत्तरी नाका

चट्टानी पहरा फोरेर ट्रयाक खोल्ने काम सकिएपछि चाँडै जोगबनी-किमाथांका मार्ग जोडिने छ । सडकले सोझै चीनको सीमा छुनेछ । अर्थमन्त्री युवराज खतिवडाले बीचको अप्ठ्यारो भूगोलका कारण विलम्ब भएको सडकको काम सेनाको सहयोगमा अघि बढाएर चाँडै किमाथांका जोड्ने बताएका छन् ।

बालुवाटार जग्गा प्रकरणमा देउवाको संलग्नता भए कारबाही हुनुपर्छ : प्रकाशमान सिंह

कांग्रेसका नेता प्रकाशमान सिंहले बालुवाटार जग्गा प्रकरणमा कांग्रेस सभापति शेरबहादुर देउवा दोषी देखिए उनलाई पनि कारबाही हुनुपर्ने बताएका छन् ।

सुके धारा र कुवा

पाँचखपन नगरपालिका ४, बराही गाउँमा खानेपानीको चरम अभाब छ । यहाँका ४, ५, ६ र ७ नम्बर वडामा बढी समस्या छ । नजिकै पानी नहुँदा पिठ्युँमा बोकेर खुवाउन नसकेपछि पशु चौपायलाई समेत कुवा धारासम्म लैजाने गरिएको छ ।

अल्लो उपहार

केही अघिसम्म सरुवा वा बिदाइमा कोसेलीका रूपमा अल्लो प्रयोग हुँदै आएको थियो । अहिले यसको माग विदेशमा समेत बढेको छ । अलैंची र कृषि पेसामा घाटा लागेपछि अल्लो व्यवसायतर्फ आकर्षित हुनेको संख्या बढदै गएको छ । सभापोखरी गाउँपालिका विश्व लिम्बूले अल्लोको तालिम लिएपछि व्यवसाय थालेका छन् । 

तीन खोलाबाट १२ मेगावाट बिजुली

तीन सानाठूला खोलाबाट ११ दशमलव ८५ मेगावाट बिजुली उत्पादन गरिएको छ । स्थानीय खोलानालाबाट पेल्ट्री सेट, माइक्रो हाइड्रो र हाइड्रो पावर सञ्चालनले जिल्लामा लोडसेडिङ अन्त्य भएको छ ।