२२.१२°C काठमाडौं
काठमाडौंमा वायुको गुणस्तर: २११

मोहना अन्सारी

मोहना अन्सारीका लेखहरु :

संक्रमणकालीन न्यायको अनन्त पर्खाइ

२०६३ मंसिर ५ मा भएको विस्तृत शान्ति सम्झौताको मूल उद्देश्य तत्कालीन नेकपा (माओवादी) लाई सशस्त्र द्वन्द्व त्यागेर शान्तिपूर्ण राजनीतिको बाटोमा अवतरण गराउनु र संविधानसभामार्फत देशको अग्रगामी वा प्रगतिशील रूपान्तरण गर्नु थियो । देशमा दिगो शान्ति स्थापनाका लागि सशस्त्र द्वन्द्वमा राज्य र विद्रोही पक्षद्वारा पीडित नागरिकलाई न्याय दिनुका साथै दण्डहीनताको अन्त्यमा सरकार, माओवादी र राजनीतिक दलहरूले प्रतिबद्धता व्यक्त गरेका थिए ।

धार्मिक सहिष्णुता र झूटको खेती

मन निकै अशान्त छ । धेरै पटक सोचें, धार्मिक विषयमा केही नलेखूँ, केही नबोलूँ । किनभने यो विषय व्यक्तिगत आस्थासँग गाँसिएको हुन्छ । प्रत्येक समुदायले आफ्नो धर्मलाई उच्च स्थानमा राखेको हुन्छ र हेर्न चाहन्छ । त्यसैले धर्मप्रतिको आलोचना पचाउन सक्दैन । धार्मिक आलोचनालाई सोझै आस्थामाथिको प्रहारका रूपमा लिन्छ । कसैले कुनै मानिसको धार्मिक भावनामाथि ठेस पुर्‍याएमा यसले आगोको रूप लिन सक्छ र बेलाबखत लिएका पनि छन् । तसर्थ हरेक धर्मलाई यथोचित सम्मानका साथ आ–आफ्नो स्थानमा रहन दिनु नै समय सान्दर्भिक हुन्छ ।

आम चुनावपछिको राजनीतिक परिदृश्य

दोस्रो आम निर्वाचनको नतिजा लगभग अन्तिम चरणमा छ । राजनीतिक पर्यवेक्षक र बौद्धिक जमातबाट निर्वाचनको सन्देशलाई विभिन्न कोणबाट अर्थ्याउने प्रयास हुँदै छ । विशेष गरी राष्ट्रिय स्वतन्त्र पार्टी (रास्वपा) को आकस्मिक उदयले धेरैको ध्यान तानेको छ ।

मानवाधिकार रक्षाको दायित्व

एक जना बहिनीले आफूले धार्मिक सहिष्णुता देखाउँदा आफ्नै परिवारबाट हिंसा खेप्नुपरेको भन्दै फेसबुकमा त्यससम्बन्धी केही लेखिन् । केही क्षणमै उनको त्यो पोस्ट मसहित मेरा अर्का साथीलाई पनि ट्याग गरेर सामाजिक सञ्जालहरूमा हामीलाई तथानाम भन्न थालियो । ‘कता गए कथित नागरिक समाज भनाउँदाहरू ? कता गए मानव अधिकारकर्मी भनाउँदाहरू ?’ जस्ता कुराले फेसबुक र ट्वीटर रंगिन थाले ।