समाज संस्कृति निर्माणको बृहत् ‘ब्याटल ग्राउन्ड’ हो । तर पछिल्लो समय नेपाली समाजमा विकसित भइरहेका दृश्यहरूले सुसंस्कृतिका सीमारेखाहरू क्रमशः भत्किँदै गएको आभास हुन्छ । राजनीतिक, सामाजिक, आर्थिक, प्रशासनिक, न्यायिक लगायत क्षेत्रमा सांस्कृतिक विचलनका दृश्यहरू गुणात्मक तवरले बढिरहेका छन् । गठबन्धन सरकारका मन्त्रीहरूका हर्कत, न्यायक्षेत्रमा देखा परेका शृंखलाबद्ध सौदाबाजीका काण्डहरू र महिलामाथि भएका अमानवीय व्यवहारका घटना यसैका ज्वलन्त उदाहरण हुन् ।