जिल्लाका सबै स्थानीय तह सडक सञ्जालमा जोडिएका छन् । अपीहिमाल, व्यास, दुहु र लेकम गाउँपालिकामा यसै वर्ष सडक यातायातको पहुँच पुगेको छ । यससँगै दार्चुलाका ९ वटै स्थानीय तहमा सडक यातायातको पहुँच पुगेको हो ।
नौगाड गाउपालिका ४, सिप्टीस्थित गणेश विनायक माविमा शौचालयको सेप्टिक ट्यांकभित्र खसेर चार बालबालिकाको मृत्यु भएको छ । ट्यांकमाथि थुपारिएको माटोमा खेल्दाखेल्दै खसेर पुरिँदा ८ वर्षकी निरुता ठगुन्ना, १० वर्षीया अनुष्का धामी, ९ वर्षका सुदिश धामी र ५ वर्षकी युनिका ठगुन्नाको मृत्यु भएको हो ।
हिमाली भेकका विद्यालय जेठ १५ बाट एक महिनाका लागि बन्द गरिएका छन् । अभिभावकसंँगै विद्यालय बन्द गरी शिक्षक र विद्यार्थी यार्चा टिप्न विभिन्न उच्च लेकाली पाटनहरूमा पुगेपछि पठनपाठन ठप्प छन् ।
यार्सागुम्बा संकलन गर्न लेक गएका ब्यास गाउँपालिका २ दुधिवनतिर एक जनाको मृत्यु भएको छ । यार्सा पाटनबाट घर फर्कने क्रममा हिउँमा चिप्लेर एक जना बालकको मृत्यु भएको स्थानीयले बताएका छन् ।
यार्सा संकलन हुने दार्चुलाका उच्च लेकाली पाटनमा सुरक्षाकर्मी परिचालन गरिएको छ । जिल्ला सुरक्षा समितिले अपीनाम्पा संरक्षण क्षेत्र कार्यालयको समन्वयमा जिल्लाका विभिन्न पाटनमा सुरक्षाको व्यवस्था मिलाएको हो ।
सम्भावना राम्रो भए पनि व्यास गाउँपालिका १, छाङ्रुमा उत्पादित स्याउ बजार नपाएर बारीमै कुहिने गरेको छ । नजिक बजार नभएको र गाउँबाट बजारसम्म पुर्याउने बाटो नहुँदा यहाँ उत्पादित स्याउ बारीमै कुहिएका हुन् ।
निर्धारित अवधिभित्र महाकालीको तटबन्ध निर्माणको पूरा हुन सकेको छैन । २०७० मा बनेको गुरुयोजनाअनुसार ५ वर्षभित्र काम पूरा गर्ने लक्ष्य लिइएको थियो । अहिले आयोजनाको म्याद ३ वर्ष थपिएको छ ।
सिजन सुरु भएसँंगै यार्सा संकलन गर्न पाटन जानेको लर्को लागेको छ । अपिनाम्पा संरक्षण क्षेत्र कार्यालय दार्चुलाले पहिलोपटक यो वर्षबाट यार्सा पाटनमा जानेका लागि १० लाखसम्मको दुर्घटना बिमा सुविधा दिने भएको छ ।
महाकाली नगरपालिका ३ काटैमा शनिबार राति महरा दम्पतीको हत्या भएको घटनापछि स्थानीय क्रसित बनेका छन् । काटैस्थित जाखमा अज्ञात व्यत्तिको आक्रमणबाट ७० वर्षीया द्रोपती र उनका ७५ वर्षीय पति वीरभान महराको मृत्यु भएको थियो । हत्या कसले गरेको अहिलेसम्म खुल्न सकेको छैन ।
