मनोज बडू

जिल्लाको दुर्गम अपीहिमाल गाउँपालिकामा चार दिने निःशुल्क बृहत् स्वास्थ्य शिविर संचालन भएको छ । अपीहिमाल गाउँपालिकाको सहयोगमा नेपाल फार्मेसी संघ र सिपी अस्पताल धनगढीको संयुक्त आयोजनामा स्वास्थ्य शिविर संचालन गरिएको हो । 

भारतसित सीमा नाका जोडिएका नाकाहरू ७२ घण्टाका लागि बन्द गरिएका छन् । भारतमा लोकसभाको निर्वाचन हुने भएपछि सीमा जोडिएका जिल्लाका नाकाहरु बन्द गरिएको हो । 

बैतडीको पुर्चौडी नगरपालिका–४ मा किशोरीलाई बलात्कारपछि हत्या गर्ने युवकलाई प्रहरीले पक्राउ गरेको छ । युवतीका आफन्तले स्थानीय ३० वर्षीय युवकविरुद्ध हाडनाता  करणी र कर्तव्य ज्यान मुद्दामा किटानी जाहेरी परेपछि युवकलाई प्रहरीले पक्राउ गरेको हो । 

बैतडीस्थित नेपाल–भारत सीमा जोड्ने झुलाघाटबाट प्रहरीले लागूऔषध खैरो हेरोइनसहित एक युवकलाई पक्राउ गरिएको छ ।

जयपृथ्वी राजमार्गको बैतडी–बझाङ सडक खण्डमा ट्याक्टर दुर्घटना हुँदा दुई जनाको मृत्यु भएको छ । बैतडी जिल्लाको सुर्नयाबाट खोड्पे जाँदै गरेको से २ त ३६७८ नम्बरको ट्याक्टर पाटन नगरपालिका–८ झौलेक मोडमा दुर्घटनामा परी दुई जनाको घटनास्थलमै मृत्यु भएको प्रहरीले जनाएको छ । 

महाकाली नगरपालिका-३ गराकु खोलास्थित मुल्ला बगरमा ट्याक्टरबाट खसेर एक जनाको मृत्यु भएको छ । गएराति ९ बजेतिर काटै-बाज सडक खण्डको मुल्ला बगरमा मनाकोटका स्थानीय अन्दाजी ४० वर्षीय हरकसिंह नगालको मृत्यु भएको प्रहरीले जनाएको छ ।

रक्तश्राव भएपछि सुत्केरी व्यथा लागेकी महिलाकाे दार्चुलाबाट हवाइ उद्वार गरिएकाे छ । आइतबार बिहान लेकम गाउँपालिका-३ लालीबाट महिलाको हवाई उद्धार गरिएको हाे ।

मालिकार्जुन गाउँपालिका–५ डाडाकोटस्थित भिरबाट लडेर वडा सचिवको मृत्यु भएको छ । गाउँपालिकाको केन्द्र पस्तीबाट डाडाकोट जाने क्रममा वडा सचिव ४० वर्षीय गंगाराम लुहारको घटनास्थलमै मृत्यु भएको प्रहरीले जनाएको छ । 

बैतडीको डिलाशैनी गाउँपालिका–७ धामीगाउँमा कोदालो प्रहारबाट एक जनाको मृत्यु भएको छ । बिहीबार बिहान स्थानीय ६२ वर्षीया कृष्ण धामीले कोदालो प्रहारका कारण तीन जनालाई गम्भीर घाइते बनाएका थिए ।

जिल्ला प्रहरी कार्यालयको हिरासतमा रहेका महाकाली नगरपालिका–१ उमेशसिंह कुँवर सोमबार दिउँसो भागेका थिए । त्यस क्रममा कुँवरलाई समात्न दौडिएका प्रहरी जवानको लडेर मृत्यु भएको छ ।