रेखा शाह

मुम्बईको प्रसिद्ध यशराज स्टुडियोमा छु । गुणस्तरीय रेकर्डिङ र सिनेमाको प्राविधिक कामका लागि यो स्टुडियो दक्षिण एसियामै उत्कृष्ट मानिन्छ । सुविधासम्पन्न रेकर्डिङ र सिद्धहस्त प्राविधिकका कारण यसले यो उचाइ लिएको हो । एक गायिकाका रूपमा मेरा लागि यो ठाउँ एक मन्दिर हो । र, यहाँ आएर स्वर–पुष्पले यो स्टुडियो पुज्ने रहर थियो । माता सरस्वतीको कृपा होला, म अहिले मेरो ३ दशकअघिको गीत ‘सिमसिमे पानीमा’ पूर्ण एकोस्टिक बाजागाजाका साथ फेरि रेकर्ड गर्दै छु ।

संसारको गति प्रेममै निर्भर छ । प्रेमबिना मानिसका प्रयासहरु व्यर्थ छन् । प्रेमबिनाको जीवन एकाकी, नीरस, अर्थहीन र अधुरो हुन्छ ।