ज्योति कटुवाल

चन्द समूहका भेरी-कर्णाली सदस्य पहाडी प्रक्राउ

नेत्रविक्रम चन्द समूहका भेरी-कर्णाली सदस्य सुर्खेतमा प्रक्राउ परेका छन् । पक्राउ पर्नेमा भेरी-कर्णाली सदस्य शिखर पहाडीलाई गएराति सुर्खेत वीरेन्द्रनगर नगरपालिका ११ पिपिरा चोकबाट पक्राउ गरेको जिल्ला प्रहरी कार्यालयका प्रहरी नायव उपरीक्षक डिएसपी प्रदीप क्षत्रीले बताए ।

गाउँपालिकामा श्रम बैंक

भगवतीमाई गाउँपालिकाले डोजरबाट हुने विकास निर्माण रोक्न श्रम रोजगार बैंक स्थापनाको तयारी गरेको छ । गाउँपालिकाका अनुसार विकास निर्माणका नाममा हुने विकृति र वातावरणीय क्षति न्यूनीकरणका लागि डोजर प्रयोग कम गर्न लागिएको हो ।विकासका नाममा हुने डोजरको प्रयोगलाई निरुत्साहित गर्न र स्थानीयस्तरमा रोजगारीका अवसर सिर्जना गर्न श्रम रोजगार बैंक स्थापना गर्न थालिएको गाउँपालिकाका अध्यक्ष दानबहादुर थापाले बताए ।

पत्रकार गेलाङको मृत्युमा चालक जेलचलान

सुर्खेत जिल्ला अदालतले पत्रकार नन्दु गेलाङको मृत्युसम्बन्धी मुद्दामा ट्रकचालकलाई पुर्पपक्षको लागि जेल चलान गरेको छ । सोमबार जिल्ला न्यायाधीश प्रल्हादकुमार योगीको इजलाशले चालक सन्तबहादुर राईलाई पुर्पक्षको लागि थुनामा पठाएका हो ।

हिंसा र लागूऔषध नियन्त्रण अभियान

कर्णाली प्रदेश प्रहरी कार्यालयले हिंसा र लागूऔषध नियन्त्रणका विशेष अभियान सुरु गरेको छ । कर्णालीका १० जिल्लामै सुरु अभियान ७९ स्थानीय तहका ७ सय १८ वडामा लक्षित छ । 

अझै बनेनन् कर्णाली राजमार्गका पुल

कर्णाली राजमार्गमा अझै २५ पुल निर्माणाधीन छन् । लामो समयसम्म पुल नबन्दा कर्णाली राजमार्गमा यात्रुले विभिन्न सास्ती भोग्दै आइरहेका छन् । पुल नहुँदा वर्षायाममा राजमार्गको यात्रा थप जोखिमपूर्ण बन्ने गरेको छ । 

ज्योति कटुवालका लेखहरु :

पेट्रोलियम अन्वेषणमा चिनियाँ टोली

चीन सरकारको चाइना जियोलोजिकल सर्भे र खानी तथा भूगर्भ विभागको टोलीले सोमबारदेखि पेट्रोलियम पदार्थको अन्वेषण सुरु गरेको छ । चाइना जिओलोजिकल सर्भेका वरिष्ठ भूगर्भविद् ट्यान फुएन नेतृत्वको टोलीले काम सुरु गरेको हो ।

पञ्चकोसीमा चिनियाँ टोली

पेट्रोलियम पदार्थको अन्वेषण गर्न उद्योग वाणिज्य तथा आपूर्तिमन्त्री मातृकाप्रसाद यादव, पूर्वउद्योगमन्त्री सोमप्रसाद पान्डे र चाइना जिओलोजिकल सर्भेको टोली पञ्चकोसी क्षेत्रमा पुगेको छ । मन्त्रीसहित पेट्रोलियम पदार्थ भएको अनुमान गरिएको क्षेत्रमा उत्खननका लागि दैलेख आएको चिनियाँ टोलीको नेतृत्व वरिष्ठ भूगर्भविद् ट्यान फुएनले गरेका छन् ।  

गुर्भाकोटमा ‘एक घर, एक रोजगार’

गुर्भाकोट नगरपालिकाले बेरोजगार युवालाई वार्षिक न्यूनतम रोजगारी दिन ‘एक घर, एक रोजगार’ कार्यक्रम गर्ने भएको छ । नगरपालिकाले गरिब, विपन्न र पिछडिएको समुदायका युवालाई रोजगारी दिनेगरी कार्यक्रम सञ्चालन गर्न थालेको हो ।

चुहिने जीर्ण भवनमा पठनपाठन

गुराँस गाउँपालिका ८ स्थित मालिका माविको भवन निर्माण ६ वर्षदेखि अलपत्र हुँदा विद्यार्थी जीर्ण भवनमा पढ्दै आएका छन् । पानी परेका बेला विद्यार्थी छाता ओढ्छन् भने शिक्षक रेनकोट ओढेर पढाउँछन् । 

गुठीपीडितको गुनासो–'हामी जग्गा भएका सुकुम्बासी’

दुल्लु नगरपालिका–१०, गमौडीका दुर्गानाथ योगीको २० रोपनी जग्गा गुठीको नाममा छ । लालपुर्जाको सिरानीमा ‘नाभिस्थान गुठी’ को नाम छ, त्यसपछि मात्र जग्गाधनीको । ‘जग्गामा पुस्तौंदेखि हामीले भोगचलन गर्दै आए पनि स्वामित्व गुठीकै छ,’ उनले भने, ‘कहीँकतै जग्गा धितो राखेर व्यापार व्यवसाय गरौं भने पाइँदैन, कहिलेकाहीँ त आफ्नै जग्गामाथि पनि विश्वास लाग्दैन ।’