शब्द/तस्बिर : बलराम घिमिरे

लालीगुराँस फुलेर वनै राताम्य

लाङटाङ राष्ट्रिय निकुञ्ज लगायत जिल्लाको उत्तरी क्षेत्रका अधिकांश वनजंगल लालीगुराँस फुलेर राताम्य देखिएको छ । जंगलमा फूलेका लालीगुराँसको फूलले जो कोहीको मनलाई आनन्द र मनमोहक तुल्याइ दिएको छ । वनजंगलहरु सुन्दर देखिएका छन् । फागुन महिनाको सुरुवातसँगै फूलेको राताम्य गुराँसफूलको सुन्दरताले पर्यटकलाई पनि आकर्षित गरिरहेको छ ।

धुन्चेमा बाक्लो हिमपात [फोटोफिचर]

बिहीबार बिहानैदेखि सदरमुकाम धुन्चे लगायत जिल्लाको उच्च हिमाली क्षेत्रमा बाक्लो हिमपात भएको छ  । यसवर्ष सदरमुकाम धुन्चेसम्मै बाक्लो हिमपात भएको यो दोस्रो पटक हो । बाक्लो हिमपात भएपछि सदरमुकाम धुन्चेका स्थानीयहरू हिउँ खेलेर रमाउनेको भीड लागेको थियो ।

६ वर्षपछि धुन्चेमा हिमपात (फोटोफिचर)

शनिबार बिहान सदरमुकाम धुन्चेलगायत जिल्लाको उच्च हिमाली भूभागमा बाक्लो हिमपात भएको छ  । ६ वर्षपछि सदरमुकाम धुन्चेमा बाक्लो हिउँ परेको हो । धुन्चेका स्थानीयमात्र होइन कर्मचारी, यस क्षेत्रमा घुम्न आएका पर्यटक पनि हिँउ खेल्नमा व्यस्त थिए । पहिलोपटक हिउँको अनुभव गर्न पाउँदा एकदमै रमाइलो भएको धुन्चेका स्थानीय रितु घलेले बताइन् । हिउँसँग खेल्ल पाउँदा बालबालिका धेरै खुसी देखिए । हिउँले एक अर्कालाई हानाहान गर्ने सेल्फी खिच्ने, फोटो खिचेर रमाइलो गर्ने धेरै थिए ।

बेत्रावतीमा गोरुको घम्साघम्सी [फोटोफिचर]

रसुवा र नुवाकोट जिल्लाको सिमानामा रहेको ऐतिहासिक धार्मिक तिर्थस्थल बेत्रावतीमा यस वर्ष पनि गोरु जुधाइएको छ । प्रत्येक वर्षको मकर सङ्क्रान्तिका बेत्रावतीमा गोरु जुधाउने परम्परा रहिआएको छ । यस वर्ष आठ हल गोरुको घम्साघम्सी भएको छ ।

उत्तर गयामा भक्तजनको भीड [फोटोफिचर]

रसुवा र नुवाकोट जिल्लाको सिमानामा पर्ने बेत्रावतीस्थित उत्तर गयामा शनिवार भक्तजनको भीड लागेको छ । त्रिशूली र फलाखु खोलाको संगमस्थल रहेको उक्त क्षेत्रमा बर्सेनि पौषीऔंशीका दिन हजारौँ भक्तजनहरूले दिवङ्गत आमाबुवा तथा आफन्तका नाममा श्राद्ध, दान, तर्पण गर्दछन् । शनिवार पनि बिहानैदेखि भक्तजन नदी किनारमा भरिभराउ थिए ।

शब्द/तस्बिर : बलराम घिमिरेका लेखहरु :

आहा ! हिमाल [फोटोफिचर]

आँखै अगाडि चारैतिर दर्जन बढी हिमाल देख्न पाउँदा कसको मन नलोभिएला र ? पाँच हजार मिटर उचाइमा रहेको चेर्को रीबाट एक दर्जनभन्दा बढी हिमाल अवलोकन गर्न सकिन्छ । चेर्को रीबाट देखिने हिमालको मनमोहक दृश्यले आनन्द आउँछ । क्यान्जिनबाट चेर्को री पुग्न करिब ४ घण्टाको उकालो चढ्न पर्दछ । हिमाली दृश्यले उकाले चढ्दाको थकाइ नै भुलिन्छ ।

गाउँभरि रेलिङसहितका पक्की गोरेटो बाटो [फोटोफिचर]

नमुना गाउँ बनाउने अभियानसहित उत्तरगया गाउँपालिका ३ ठूलोगाउँको पैरेटोमा रेलिङसहितको पक्की गोरेटो बाटो निर्माण गरिएको छ । गाउँमाझमा पक्की गोरेटो बाटो बनेपछि स्थानीयमा खुसी छाएको छ । आधुनिक गोरेटो बाटोले वृद्धवृद्धा, बालबालिका लगायतलाई सजिलो भएको उत्तरगया गांउपालिका ३ का अध्यक्ष लालबहादुर तामाङले बताए ।

तस्बिरमा हेरौं, खम्बा नाच

धुन्चेका युवा स्थानीय कला र संस्कृति जगेर्ना गर्न जुटेका छन् । उनीहरु चार दशकसम्म सञ्चालन हुन नसकेको चेन्दा नाचको संरक्षण र जगेर्नामा लागेका हुन् । यो नाचलाई युवाहरुले गत वर्षदेखि पुन: सुरु गराएका थिए । रसुवा संरक्षण तथा सांस्कृतिक कला समूह धुन्चेको आयोजनामा मंगलबार युवाहरुले चेन्दा नाचअन्तर्गत (खम्बा नाच) देखाए ।

मनै लोभ्याउने लाङटाङ [फोटो फिचर]

काठमाडौंबाट छोटो र सजिलो पदमार्गमा लाङटाङ पर्दछ । यही कारणले लाङटाङमा विदेशी पर्यटकहरुको घुइँचो लाग्ने गरेको छ । लाङटाङ पदमार्गमा जाने पर्यटकले थोरै दिनमा एकै पटक धेरै कुरा हेर्न र घुम्न सक्छन् । त्यसैले लाङटाङ पदमार्ग पर्यटकको रोजाइमा परेको होटल व्यवसायीहरु बताउँछन् ।

रसुवागढीमा बिजोग [फोटोफिचर]

चीन जोड्ने एकमात्र रसुवागढी नाकामा महिनादेखि यातायात ठप्प छ । नाका नजिकैको पहिरो, घट्टेखोलाको पुललाई बाढीले पुर्‍याएको क्षति र गोसाइँकुण्ड गाउँपालिका ५ को खोपाङ भीरको पहिरोले यातायात अवरुद्ध भएको हो । बाढीबाट क्षति पुगेको पुल मर्मतमा ढिलाइले साउन १२ देखि नाकामा यातायातका साधन चलेका छैनन् ।