जयबहादुर रोकाया

घर फर्कंदै लिमीका बासिन्दा

जाडो छल्न गाउॅ छाडेर सहर पसेका लिमीका बासिन्दा घर फर्कन थालेका छन् । हिउँ पग्लेर बाटो खुलेपछि स्थानीयबासी धमाधम घर फर्कन थालेका हुन् । अत्यधिक हिमपात हुने लिमीका बासिन्दाले वर्षेनी हिउँ पर्नुअघि गाउँ छोड्ने गरेका छन् । 

हुम्लामा खाद्यान्न ढुवानी ठप्प

हुम्लामा तीन सातादेखि खाद्यान्न ढुवानी ठप्प भएको छ । निजी विमान कम्पनीहरूले ढुवानी नगरेपछि जिल्लामा खाद्यान्न मौज्दात सकिँदै गएको छ ।

किन फैलिन्छ कर्णालीमा बर्सेनि सरुवा रोग ?

सामाजिक विकास मन्त्रालयका अनुसार करिब २२ प्रतिशत नागरिक खानेपानीको पहुँचमा पुग्न सकेका छैनन् । मन्त्रालयका स्वास्थ्य महाशाखा प्रमुख वृषबहादुर शाहीले ७८ प्रतिशत नागरिक मात्रै खानेपानीको पहुँचमा पुगेको बताए । 'तथ्यांकमा यति भए पनि धेरै नागरिक खोलाको पानी पिउन बाध्य छन्,' उनले भने, 'सरुवा रोगको मुख्य कारण भनेकै शुद्ध पिउने पानी नहुनु हो ।' 

राजधानीसँग अझै जोडिएन सम्बन्ध

कर्णाली प्रदेश सरकारका सामाजिक विकासमन्त्री दल रावल स्वास्थ्य बिमा कार्यक्रमका लागि एक साताअघि हुम्ला पुगे  । सोमबार सुर्खेत पुगेका उनलाई आउदा-जाँदा हवाइ मार्गमार्फत नेपालगन्जको रुट प्रयोग गर्नुपर्ने बाध्यता भयो  ।

मालपोत कार्यालयको कामकाज ठप्प

जिल्ला मालपोत कार्यालयमा प्रमुख नहुँदा तीन सातादेखि कामकाज ठप्प भएको छ । प्रमुख नहुँदा कर्मचारी कामविहीन बनेका छन् । मालपोत कार्यालयमा लामो समयदेखि निमित्त प्रमुखको कामकाज चलाइरहेका लालप्रसाद ढकाल अदानचुली गाउॅपालिकामा सरुवा भएर गएपछि कामकाज प्रभावित भएको हो ।

जयबहादुर रोकायाका लेखहरु :

ताजाकोट रुघाखोकी प्रकोप : प्रयोगशाला पुर्‍याउनै सकिएन खकार नमुना

हुम्लाको ताजाकोटमा रुघाखोकी प्रभावित बिरामीको खकारको नमुना (थ्रोट स्वाब) संकलन गरिए पनि परीक्षणका लागि पठाउन समस्या भएको छ । संकलित नमुना समयमै प्रयोशालामा पुर्‍याउन नसक्दा त्यहाँ फैलिएको रोगको पहिचान हुन सकेको छैन ।

२ सातादेखि खाद्यान्न ढुवानी ठप्प

जिल्लामा दुई सातायता खाद्यान्न ढुवानी ठप्प भएको छ । निजी हवाई कम्पनीले ढुवानी नगर्दा ढुवानी ठप्प भएको हो । ढुवानी नभएपछि खाद्यान्न समस्या हुँदै गएको छ ।

कर्णाली करिडोरले छुँदै हुम्ला

चालु आर्थिक वर्षभित्रै हुम्ला पुग्ने गरी कर्णाली करिडोरको निर्माण तीव्र गतिमा भइरहेको छ । असार मसान्तभित्र करिडोर हुम्लाको दक्षिणी क्षेत्र ताजाकोट र अदानचुलीमा जोडिने निर्माण कम्पनीले जनाएको छ ।

मौसमी रुघाखोकीबाट हुम्लामा ९ को मृत्यु, स्थानीय सरकार बेखबर

हुम्लाको दक्षिणी भेगमा अवस्थित ताजाकोट गाउँपालिकामा मौसमी रुघाखोकीबाट तीन सातामा ९ जनाको मृत्यु भएको छ । जिल्ला स्वास्थ्य कार्यालयले रोग निदान हुन नसके पनि मौसमी रुघाखोकीले मृत्यु भएको हुन सक्ने जनाएको छ ।

सुरु भयो शैक्षिक सत्र

फागुनबाट नयाँ शैक्षिक सत्र सुरु हुने हुम्लामा हिमपातका कारण चैत पहिलो सातादेखि विद्यालय खुलेका छन्  । माघ र फागुनमा पटकपटक भएको भारी हिमपातका कारण विद्यालय भवन हिउँले पुरिएका थिए  ।