वीरेन्द्र केसी

निजीलाई सामुदायिकमा

गुल्मीको रुरु र गुल्मीदरबार गाउँपालिकाले नीजिलाई सामुदायिक विद्यालयमा रुपान्तरण गर्ने अभियान सुरु गरेका छन  । गाउँपालिका भित्रका सबै बालबालिकालाई सामुदायिकमा आकिर्षत गर्न अभिभावकको मन जित्ने प्रयासमा छन  ।

डाँडाकाँडा घुम्दै पर्यटक

अहिले घुम्ने बेला हो । जिल्लाका डाँडाकाँडामा रमाउने र शक्तिपीठ दर्शन गर्ने आन्तरिक पर्यटकको भीड लाग्न थालेको छ । तराईबाट गर्मी छल्न पहाड उक्लिने बढेका हुन् । सुपादेउराली, मालारानी मन्दिर, नरसिंहस्थान, राँगामारे, छत्रेश्वर, अर्घा र खाँची दरबारसहित चुत्राबेंसीको सिद्धेश्वर शिवालय मन्दिरमा घुँइचो लाग्छ ।

कार्यालय सहयोगीले थेग्दै स्थानीय तह

कर्मचारीको संख्या न्यून भएपछि जिल्लाका ६ स्थानीय तहमा दैनिक काम सञ्चालन गर्न समस्या भएको छ । सबै पालिकामा कार्यालय सहयोगी र खरिदारले काम गर्दै आएका छन् । सबै पालिकामा तीनदेखि ५ जनासम्म कार्यालय सहयोगी छन् । कर्मचारी अभावले योजना सम्झौता, अनुगमन, भुक्तानीलगायतको काममा समस्या परेको हो ।

खेती गर्दै गाउँपालिका अध्यक्ष

पाणिनि गाउँपालिकाका अध्यक्ष अच्युत गौतम पहिला काम, त्यसपछि मात्र भाषणमा जोड दिन्छन् । उनले पाखोबारीमा तरकारी खेती गरेका छन् । कुखुरापालनबाट आर्जन गरिरहेका छन् । त्यसैगरी, गुल्मीको रुरु गाउँपालिका अध्यक्ष नीलकण्ठ गौतमले कफी खेती गरी युवा आकर्षित गरिरहेका छन् ।

सम्झौताको चटारो

जिल्लाका ६ वटै गाउँपालिकामा यतिबेला योजना र कार्यक्रम सम्झौता गर्नेको भीड छ । विगतमा जस्तै ढिलो गरी योजना सम्झौता भइरहेको छ । त्यसले हतारमा काम सक्नुपर्ने कर्मचारीले बताए । योजना अनुगमनमा जानुपर्ने कर्मचारी रकम भुक्तानीको काममा व्यस्त देखिएका छन् । 

वीरेन्द्र केसीका लेखहरु :

सामुदायिकमा छैनन् विद्यार्थी

कुनै बेला टोलैपिच्छे विद्यालय खोलिएका थिए । तिनमा छात्रछात्रा खचाखच हुन्थे  । गाउँमा निजी विद्यालय थिएनन् । बसाइसराइ थिएन । अहिले त्यस्तो अवस्था छैन । जन्मदर घट्यो । निजीमा छोराछोरी पढाउन सहरमा डेरा लिएर बस्ने बढे । त्यसको मार सामुदायिक विद्यालयमा परेको छ ।

काँचुली फेर्दै हर्रेबर्रे

शीतगंगा नगरपालिका १०, बर्रेका पुनाराम विकको बारीमा १५/२० घारी केराका बोट छन् । बर्सेनि केरा पाक्छन् । किन्न कोही नआएपछि घरपरिवार र नातेदारकहाँ बाँडेर खान्थे । अहिले उनको घरअगाडि सडक पुगेपछि नपाक्दै ती केराका घारी बोटबाटै बिक्री हुन थालेका छन् । 

कुराकानी गर्न नातिनातिनाकै भर

उनी रूखका हाँगा छिमल्दै थिइन् । त्यही बेला फोनको घण्टी बज्यो । पतिले दुबईबाट फोन गरेका रहेछन् । केरुंगाकी अस्मिता खनाललाई पतिले मोबाइलमा फेसबुक खोल्न भने । त्यसपछि ‘भिडियो कल’ गरे । ‘रूखमै बसेर घाँस काटेको देखाएँ,’ अस्मिताले पति/पत्नी संवाद सुनाइन्, ‘उहाँले घाँस काटेको सम्झना गर्दै रूख अलि अप्ठ्यारो छ, ख्याल गर्नु है भन्नुभयो ।’

अब पैसा थैलीमा होइन, बैंकमा

गाउँमै वित्तीय संस्था खुलेपछि यहाँका सर्वसाधारणमा बैंकमा बचत गर्ने बानी बढेको छ । टालोमा कुटुरो पारेर घरको खोपी, गारो, पटुकी र दराजमा लुकाएर राख्ने पैसा अचेल बैंकमा खाता खोलेर जम्मा गर्न थालेका हुन् । 

अर्घाखाँचीमा जिप दुर्घटना, ३ को मृत्यु

सदरमुकाम सन्धिखर्कस्थित चुत्रावेशीबाट प्युठानको बरौला गाउँतफ जाँदै गरेको यात्रु बाहक जिप अर्घाखाँचीको लात्तेबाँझमा दुर्घटना हुँदा तीन जनाको मृत्यु भएको छ ।