सधैं टेलिभिजनको पर्दामा देखिने चल्तीका गायकगायिका शनिबार एक्कासि बुटवलमा देखिए । रेडियो कान्तिपुरको रोड सो ‘रेडियो अन ह्वील्स’ मा युवा गायक माण्डवी त्रिपाठी र कमल खत्री आएका थिए ।
रूपन्देहीको देवदह नगरपालिकाले बौद्ध शिक्षालाई स्थानीय पाठ्यक्रमका रूपमा लागू गरेको छ । अनिवार्य विषयका रूपमा ‘बौद्ध शिक्षा र देवदह परिचय’ लागू गरिएको हो । यसले विद्यार्थीलाई जन्मभूमिप्रति आस्था र चरित्रवान् बनाउने विश्वास लिएको छ ।
स्थानीय तह सञ्चालन ऐनले न्याय सम्पादनको जिम्मेवारी स्थानीय तहलाई दिएको छ । संविधानको भाग १७ को धारा २१७ अनुसार मुद्दा हेर्ने र फैसलासम्मको अधिकार स्थानीय तहलाई छ । देवानी मुद्दा र एक वर्षसम्म कैद हुने फौजदारी मुद्दासहित व्यक्तिगत तथा सार्वजनिक जग्गाको साँध–किल्ला मिचेको, घरायसी विवाद, गाली–बेइज्जती, अंगभंग बाहेकको कुटपिट लगायतका मुद्दा हेर्ने अधिकार यसले पाएको छ । त्यसमा मेलमिलापलाई प्राथमिकतामा राखेर न्याय दिनुपर्छ ।
स्थानीय तहले साउनदेखि एकीकृत सम्पत्ति कर लगाउने तयारी गरे पनि अहिलेसम्म मापदण्ड तयार भएको छैन । रूपन्देहीमा १६ स्थानीय तह छन् । १० गाउँपालिकामा एकीकृत करबारे मापदण्ड र छलफल नै सुरु भएको छैन ।
बुटवल उपमहानगरपालिकाभित्र सार्वजनिक जग्गामा १६ हजार १ सय ९३ घर पाइएको छ । विभिन्न समयमा जग्गा अतिक्रमण गरेर उनीहरूले घर निर्माण गरेका हुन् । वर्षौंदेखि राजनीतिक दलले यस्ता परिवारलाई व्यवस्थित गर्ने जनाए पनि अहिलेसम्म अतिक्रमण जारी छ ।
स्थानीय तह सञ्चालन ऐनले न्यायिक समिति संयोजकमा उपाध्यक्ष वा उपप्रमुख रहने व्यवस्था गरेको छ । तर, रूपन्देहीको सम्मरीमाई गाउँपालिकाले भने उपाध्यक्षको सट्टा अध्यक्षलाई नै न्यायिक समिति संयोजक तोकेको हो ।
रूपन्देहीको मर्चवारी गाउँपालिकाले शिक्षा ऐनमा वडाध्यक्षलाई विद्यालय व्यवस्थापन समितिको पदेन अध्यक्ष हुने व्यवस्था गर्यो । गाउँपालिकाको वडा नं. एकका अध्यक्ष मुकेश यादवबाहेक सबैले ऐनमा सहमति जनाएपछि पारित भयो ।
प्रदेश ५ स्तरीय मोतीपुर औद्योगिक क्षेत्रमा वातावरणीय प्रभाव मूल्यांकन थालिएको छ । तिनाऊ नदी किनारको ८ सय १३ बिघा क्षेत्रफलमा औद्योगिक क्षेत्र बन्न लागेको हो । त्यसमा विस्तृत परियोजना प्रतिवेदन (डीपीआर) पूरा भएसँगै वातावरणीय प्रभाव मूल्यांकनको काम सुरु भएको छ ।
प्रदेशको आर्थिक उन्नतिका लागि यहाँ रहेका सम्भावनाका क्षेत्र समेटेर विकास गर्नुपर्ने सरोकारवालाले बताएका छन् । कान्तिपुर मिडिया ग्रुपले शुक्रबार रूपन्देहीको मणिग्राममा गरेको ‘कान्तिपुरसँग कुराकानी’ कार्यक्रममा उनीहरूले बढ्दो आर्थिक गतिविधि र सञ्चालनमा रहेका गौरवका योजना पूरा भएपछि प्रदेश उन्नत बन्ने बताए ।
