बाढीको विश्वव्यापी जोखिमको शृंखलामा नेपाललाई ३० औं नम्बरमा राखेर विश्लेषण गर्ने गरिएको भए पनि हरेक वर्ष यहाँ बाढीका कारण ठूलो मानवीय, भौतिक र मनोवैज्ञानिक क्षति हुने गरेको छ । हरेक वर्ष जुनदेखि सेप्टेम्बरसम्म लगभग चार महिनालाई मनसुन अवधिका रूपमा लिने गरिएको छ । र, यस बेला कुल वार्षिक वर्षाको लगभग तीनचौथाइ हुने भएकाले यो अवधि बाढीजन्य विपद्का दृष्टिले बढी जोखिमपूर्ण हुन्छ ।
