इजरायलका ट्याक्सी ड्राइभरले भनिरहे– क्यामरा बन्द गर्नुस् । हमासले प्रत्येक ठाउामा ‘वाच’ गरिरहेको छ, ‘सुट’ गर्न सक्छ । ०६० सालदेखि मैले कान्तिपुर टेलिभिजनमा क्यामरापर्सन भएर काम थाल्दा देशमा द्वन्द्व चलिरहेकै थियो । जहाँ—जहाँ आक्रमण हुन्थ्यो त्यहाँ पुगेर भिडियो खिच्नुपर्थ्यो । मेरो ड्युटी रातिको थियो । आक्रमणहरू बढीजसो साँझ र राति हुन्थे । आक्रमण हुँदै छ वा भयो भनेपछि क्यामरा बोकेर हिँडिहाल्नुपर्थ्यो ।
