हुम्लाको सिमकोट गाउँपालिका ७ को डाडाफयामा रहेको चुक्याडी खानेपानीको काम गरेको एक वर्ष बितिसक्दा पनि ज्याला नपाएपछि स्थानीयले जिल्ला प्रशासन कार्यालयमा उजुरी गरेका छन् । आर्थिक वर्ष ०७८/७९ को लापा संस्थाबाट सञ्चालन भएको योजनाको काम गरेको एक वर्ष बितिसक्दा पनि ज्याला नपाएपछि स्थानीयले जेठ ९ गते उजुरी दिएका हुन् ।
खाद्य व्यवस्था तथा व्यापार कम्पनीले हुम्लाका केही क्षेत्रमा तुुइनबाटै खाद्यान्न ढुवानी गर्दै आएको छ । कर्णाली नदी माथि पुुल नभएपछि नयाँ तुुइन निर्माण गरेरै खाद्यान्न ढुवानी गर्न थालिएको हो । कम्पनीका हुुम्ला शाखाका प्रमुख कृष्णप्रसाद आचार्यका अनुुसार जिल्लाका लागि निर्धारित कोटाको खाद्यान्न चङ्खेली र सर्केगार्ड गाउँपालिका जाेड्ने सलीसल्लास्थित कर्णाली नदीमा तुुइनबाट ढुवानी हुँदै आएको हो ।
हुम्लाको सिमकोट गाउँपालिका अध्यक्ष र उपाध्यक्षमा सत्तारुढ गठबन्धनका उम्मेदवार विजयी भएका छन् । गाउँपालिका अध्यक्षमा नेकपा (माओवादी केन्द्र)का उम्मेदवार विजय भण्डारी र उपाध्यक्षमा नेपाली कांग्रेसका उम्मेदवार सुशिला रोकाया निर्वाचित भएका हुन् ।
हुम्लाको चंखेली गाउँपालिका २ को महादेव माध्यमिक विद्यालयको मतदान केन्द्रमा पुनः मतदान कार्य हुने भएको छ । गत वैशाख ३० गते सम्पन्न मतदानमा आधाभन्दा बढी मतदाताले मत खसाल्न नपाएको उजुरीका आधारमा आयोगले सो मतदान केन्द्रको मतदान कार्य पुनः गर्ने निर्णय गरेको हो ।
नाम्खा गाउँपालिका ६ लिमीको मतपेटिका आइतबार मात्र हेलिकोप्टरबाट ढुवानी हुने भएको छ । मतदान कार्य वैशाख ३० गते शुक्रबार नै सम्पन्न भए पनि शनिवार हेलिकोप्टरको व्यवस्था हुन नसकेपछि आइतबार मात्र लिमीका मतपत्र ढुवानी हुने भएको हो ।
हुम्लाको चंखेली गाउँपालिका २ मा गठबन्धनले पुन: मतदानको माग गरेका छन् । स्वतन्त्र उम्मेदवारले धाँधली गरेर मतदातालाई मत हाल्नबाट बञ्चित गरेको भन्दै गठबन्धन दलहरुले निर्वाचन अधिकृतको कार्यालय र स्थानीय प्रशासनसँग माग गरेका हुन् ।
चंखेली गाउँपालिका २ महादेवा माविस्थित मतदान केन्द्रमा गठबन्धनका उम्मेदवार र स्वतन्त्र उम्मेदवारबीच झडप भएपछि सशस्त्र प्रहरीले ८ राउन्ड हवाई फायर गरेको छ ।
