बेलायती राजदूतद्वारा ‘ई–वकर्स युके’ कार्यालय उद्‌घाटन

काठमाडौं — नेपालस्थित बेलायती राजदूत एण्डी स्पार्क सिएमजीले द ब्रिटिस कलेजको भागिनी संस्था ई– वकर्स युकेको बिहीबार उदघाटन गरेका छन् ।



ई–वकर्स युके कम्पनी नेपालमा सफ्टवेयर निर्माण गरी विदेशमा निर्यात गर्ने उद्देश्यका साथ खोलिएको हो । ‘ई वकर्स युके कम्पनीले अन्तर्राष्ट्रिय सफट्वेयर बजारमा सेवा मात्र दिने छैन,’ राजदूत स्पार्कले भने, ‘यसले स्थानीयतवरमा विद्यार्थीहरुलाई व्यवसायिक अनुभव बटुल्ने अवसर पनि मिल्नेछ ।’

थापाथलीस्थित टे«ड टावरमा रहेको द ब्रिटिस कलेज हाताभित्रै उक्त कम्पनी खोलिएको छ । कम्पनीमा ख्यातीप्राप्त सफ्टवेयर डिजाइनर हुनेछन्, जसले विभिन्न मागअनुसार सफ्टवेयर निर्माण गरी आउटसोर्सिङ गर्नेछन् ।

यसैबीच, बेलायती राजदुत स्पार्कले वेष्ट अफ दी इंग्ल्याण्ड विश्वविद्यालयअन्तर्गत अर्थशास्त्र विषयमा सर्वोत्कृष्ट गरेकोमा द ब्रिटिस कलेजमा अध्ययनरत कल्पना पन्तलाई सम्मान गरेका थिए ।

ई–वकर्स युके कम्पनीका प्रबन्धक तथा द ब्रिटिस कलेजका सिईओ राजन कँडेलले कम्पनीले सफ्टवेयर निर्माण गरी आउटसोर्सिङ गर्ने जानकारी दिए ।



 
 

प्रकाशित : मंसिर १८, २०७१ १६:१४
प्रतिक्रिया
पठाउनुहोस्
ADVERTISEMENT

प्रदेश संख्यामा मधेसवादी लचिलोः गच्छदार

काठमाडौं — मधेसी जनअधिकार फोरम (लोकतान्त्रिक) का अध्यक्ष विजयकुमार गच्छदारले संविधानका विवादित विषयहरुमा संयूक्त लोकतान्त्रिक मधेसी मोर्चाले छिट्टै साझा धारणा ल्याउने घोषणा गरेका छ ।


मधेसी मोर्चाले सहमतिको लागि साझा प्रस्ताव ल्याउन लागेको स्पष्ट पार्दै गच्छदारले अब संविधान निर्माणका हरेक विषयमा मोर्चा एक भएर बढ्ने पनि बताए । उनले प्रदेशको संख्यामा मधेसी दलहरु लचिलो भएर प्रस्तुत हुने संकेत गरे ।
रिपोर्टर्स क्लवको साक्षात्कारमा गच्छदारले मधेसी जनअधिकार फोरम नेपालले ल्याएको मधेसमा एक प्रदेशसहितको ९ प्रदेशको अवधारणा मोर्चाको नभई पार्टीको धारणा भएको बताए । मेचीदेखि चितवनसम्म मधेस, तराई वा मिथिला प्रदेश एक र चितवनदेखि महाकालीसम्म थरुहट वा लुम्बिनी प्रदेश एक गरी मधेसमा दुई प्रदेश हुनुपर्ने धारणा राखे ।
झापा, मोरङ, सुनसरी, चितवन, कैलाली र कञ्चनपुरमको विवाद सहमतिमा समाधान गर्नुपर्ने धारणा राखे ।

 

प्रकाशित : मंसिर १८, २०७१ १६:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT