छ करोडको अकबरे खुर्सानी निकासी

अलैंची र अदुवापछि जिल्लाको प्रमुख नगदेबालीको रूपमा अकबरे खुर्सानी आएको छ । यसका बिरुवा, फल र वियाँ विक्री गरेर किसानले राम्रो लाभ लिन थालेका छन् । उत्पादित अग्र्यानिक अकबरे खुर्सानीको माग भारतीय वजारबाट आउन थालेपछि यसको व्यावसायिक खेती मौलाएको हो । 
उत्पादित खुर्सानी पूर्वी तराई हुँदै भारतका सिलिगुढी, दार्जिलिङ, सिक्किम, कालेम्पुङ मेघालयलगायतका बजारसम्म जाने कृषि कार्यालयले जनाएको छ । पछिल्लो समय हङकङ, सिंगापुरबाट समेत माग वढ्न थालेको छ । स्थानीय वजारमा प्रतिकेजी २ सय ५० देखि ४ सय ५० रुपैयाँसम्ममा बिक्री भइरहेको अकबरे खुर्सानीको यहाँका २० गाविसमा व्यावसायिक रूपमा खेती हुने गरेको छ । पिरो प्रजातिका ७ प्रकारका खुर्सानी यहाँ पाइन्छन् । ठूलो डल्ले, सानो डल्ले, गोलो लाम्चे, चिप्लो लाम्चेलगायतका आकारका अकबरे खुर्सानी किसानले खेती गर्दै आएका छन् ।
हावापानीको हिसाबले १ हजारदेखि १ हजार ९ सय मिटरको उचाइसम्म अकबरे खुर्सानीको खेती गर्न सकिने प्राविधिकहरूको भनाइ छ । कम मेहनत, लगानी र क्षेत्रफलमा पनि धेरै उत्पादन गर्न सकिने भएकाले व्यावसायिक अकबरे खुर्सानी खेतीमा लागेको आम्वुङ ७ का खुर्सानी किसान चन्द्रकुमार श्रेष्ठले बताए । '२ हजार रुपैयाँ लगानी गर्दा १६ हजार रुपैयाँ आम्दानी भयो,' उनले भने, 'आउँदो सिजनमा लगानी र क्षेत्रफल बढाएर खुर्सानी रोप्ने सोचाइमा छु ।' 
यो वर्ष जिल्लामा किसानले ० हेक्टर क्षेत्रफलमा अकबरे खुर्सानी खेती गरेका थिए । 
 
 

प्रकाशित : फाल्गुन १०, २०७१ १०:५६