युरोपेली आकासमा लगाइएको प्रतिबन्ध हटाउन आग्रह

पुनर्विचार गर्ने युरोपीयन युनियनको आश्वासन
कान्तिपुर संवादददाता

काठमाडौं — महतले बिहीबार ब्रसेल्समा युरोपेली आयोगका अध्यक्ष जिनक्लाउड जंकर तथा उच्च अधिकारीसँगको भेटमा नेपाली हवाई उड्डयनमाथि यूरोपेली आकासमा लगाइएको प्रतिबन्ध हटाउन आग्रह गरेका हुन् ।

युरोप भ्रमणमा रहेका परराष्ट्रमन्त्री डा. प्रकाशशरण महतले नेपाली हवाई उड्डयनमा यूरोपेली युनियनले लगाएको प्रतिबन्ध हटाउन आग्रह गरेका छन् ।

नेपाली एयरलाइन्सहरुको हवाई सुरक्षा मापदण्ड नपुगेको भन्दै युरोपियन युनियनले विगत केही समयदेखि नेपाली हवाई उड्डयनमाथि प्रतिबन्ध लगाएको छ । मन्त्री महतका जनसम्पर्क तथा प्रेस संयोजक एकराज पाठकद्धारा जारी विज्ञप्तीमा भनिएको छ, ‘मन्त्री महतले हाल नेपाली एयरलाइन्सले मापदण्ड पूरा गरेको भन्दै प्रतिबन्ध फुकुवा गर्न आग्रह गरेपछि आयोगका अध्यक्ष जंकरले यस प्रावधानको आवश्यक अध्ययन गरी नेपाल सरकारले उपलब्ध गराउने तथ्यका आधारमा पुनर्विचार गर्ने आश्वासन दिए ।’

भेटका क्रममा मन्त्री महतले नेपालमा पूर्वाधार निर्माणका साथै भूकम्पपछिको पुनर्निर्माणका क्षेत्रमा सहयोग बढाउन युरोपियन युनियनलाई आग्रह गरे ।

युरोपमा नेपालको निर्यात प्रोत्साहन हुनेगरी बजारको पहुँच र थप सहुलियत, ठूला आयोजनाहरुका साथै पूर्वाधारमा लगानी एवं शिक्षा र स्वास्थ्यलगायतका क्षेत्रमा थप सहयोगका लागि आग्रह गर्दै मन्त्री महतले युरोपेली युनियनले लामो समयदेखि नेपालको विविध क्षेत्रमा गर्दै आएको आर्थिक लगायतको सहयोगका लागि धन्यवाद दिएको विज्ञप्तीमा उल्लेख छ ।

महतले नेपालको पछिल्लो राजनीतिक अवस्थाका साथै संविधानको कार्यान्वयन एवं छिट्टै स्थानीउ निर्वाचनहरुको बारेमा पनि जानकारी गराएका थिए । युरोपियन आयोगका अध्यक्ष जंकरले नेपालको विकास प्रयासमा आगामी दिनमा पनि सहयोगलाई निरन्तरता दिने बताए । उनले आगामी दिनमा युरोपियन युनियनले गर्ने सहयोगका क्षेत्र विस्तारको सम्भावना तथा सहयोगमा बृद्धि गर्ने प्रतिबद्धतासमेत व्यक्त गरेको विज्ञप्तीमा उल्लेख छ ।

प्रकाशित : फाल्गुन ५, २०७३ १९:२२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सद्भावना पार्टी महाधिवेशन तयारीमा

कान्तिपुर संवाददाता

काठमाडौं — सद्भावना पार्टीले छैटौं राष्ट्रिय महाधिवेशन जेठ पहिलो साता वीरगन्जमा गर्ने भएको छ । वीरगन्जमा सकिएको राष्ट्रिय कार्यसमितिको विस्तारित बैठकले जेठ १ देखि ३ सम्म महाधिवेशन गर्ने निर्णय गरेको हो ।

फागुनभरि सदस्यता वितरण अभियान चलाउने, चैतमा गाउ अधिवेशन र क्षेत्रीय अधिवेशन गर्ने अध्यक्ष राजेन्द्र महतोले जानकारी दिए । सद्भावनाको मधेसका सबै जिल्लामा संगठन छ । पहाडका केही जिल्लामा समेत संगठन रहेकाले त्यहा पनि अधिवेशन गरिने जानकारी महतोले दिए ।

उनले वैशाखमा जिल्ला अधिवेशन गरिसक्ने बताए ।

बैठकले सहअध्यक्ष लक्ष्मणलाल कर्णको नेतृत्वमा विधान स.शोधन मस्यौदा समिति, उपाध्यक्ष नरसिंह चौधरी रहेको घोषणापत्र तयारी समिति, अध्यक्ष महतो नेतृत्वको आर्थिक समिति समेत घोषणा गरेको छ । त्यस्तै मृगेन्द्र यादव संयोजक रहेको प्रचार प्रसार समिति, नवलकिशोर साह नेतृत्वको अतिथी सत्कार समिति तथा कर्णकै नेतृत्वमा विरगन्जको तयारी व्यवस्थापन समिति गठन गरेको छ ।

बैठकले समसामयिक राजनीतिक विषयमा सात बुदे प्रस्ताव पास गर्दै मधेसी मोर्चाको माग सम्बोधन गर्नेगरी संविधान संशोधन गर्नुपर्ने माग गरेको छ । गजेन्द्रनारायण सिंहले २०४७ सालमा स्थापना गरेको सद्भावना पार्टी हाल सक्रिय मधेसवादी पार्टीमध्ये सबैभन्दा पुरानो हो । संसदमा यसको ५ सिट रहेको छ ।

प्रकाशित : फाल्गुन ५, २०७३ १९:२२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT