एसएडब्लूडीएफ र इसिमोडबीच समझदारी

कान्तिपुर संवाददाता

काठमाडौं — अन्तर्राष्ट्रिय नारी दिवसको अवसरमा दक्षिण एसियाली महिला विकास मञ्च (एसएडब्लूडीएफ) र एकीकृत पर्वतीय अन्तर्राष्ट्रिय विकास केन्द्र (इसिमोड) बीच यस क्षेत्रका साना तथा मझौला महिला उद्यमीको विकासका लागि सहकार्य गर्ने समझदारी भएको छ।

दुई संस्थाबीच विद्यमान नीतिको अध्ययन र पुस्तिकासमेत प्रकाशन हुने जारी विज्ञप्तिमा उल्लेख छ। मञ्चका तर्फबाट अध्यक्ष प्रमिला आचार्य रिजाल र इसिमोडका तर्फबाट महानिर्देशक डेभिडमोल्डेनले समझदारीपत्र (एलओआइ) मा हस्ताक्षर गरेका छन्। पुस्तिका साना तथा मझौला महिला उद्यमीको अवसर र चुनौतीका बारेमा अध्ययन गर्दै नीतिमा नयाँ सिर्जनाका साथ अगाडि बढाउन सहयोग पुग्ने किसिमको ढाँचामा तयार पारिने जनाइएको छ। पुस्तिकाको अध्ययन १० देशहरू अफगानिस्तान, बंगलादेश, भुटान, भारत, माल्दिभ्स, नेपाल, पाकिस्तान, श्रीलंका, चीन, म्यानमारका महिलालाई समावेश गरिने जनाइएको छ।

प्रकाशित : फाल्गुन २६, २०७३ ११:०३
प्रतिक्रिया
पठाउनुहोस्
ADVERTISEMENT

कान्तिपुरकर्मी सम्मानित

कान्तिपुर संवाददाता

मुगु — महिला हकअधिकारबारे उत्कृष्ट समाचार सम्प्रेषण गरेबापत १०७ औं अन्तर्राष्ट्रिय नारी दिवसमा मुगुस्थित कान्तिपुर संवाददाता राजबहादुर शाही सम्मानित भएका छन्।

कार्यक्रमका प्रमुख अतिथि डा. डिला संग्रौलाले शाहीलाई सम्मान गरेकी हुन्। कार्यक्रममा गोरखापत्र दैनिकका नृपेन्द्रबहादुर मल्ल, नागरिक दैनिकका सुमन मल्ल, अन्नपूर्ण पोस्टका जीवन सेजुवाल र रेडियो मुगुका श्याम बीसीलाई पनि सम्मानित भएका थिए। त्यस्तै छाउपडीमुक्त घर बनाएबापत पिना ५ की छैटोला भाम र पिना १ का झाँक्री वीरसिंह नेपालीलाई सम्मान गरिएको महिला विकास अधिकृत हसिना पराजुलीले बताइन्।

प्रकाशित : फाल्गुन २६, २०७३ १०:५४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्