माछापालनमा आकर्षण

यसअन्तर्गत बैगुनधुरा र तोपगाछी गाविसलाई माछा ब्लक तोकिएको छ । यी दुई गाविसको ६० हेक्टरभन्दा बढी क्षेत्रफलमा व्यावसायिक माछापालन गरिने कृषि विकास कार्यालयका प्राविधिक सहायक शालिकराम भट्टराईले बताए । परियोजनाअन्तर्गत ब्लकमा रहेर माछापालनका लागि कृषक उद्यमी, कृषक समूह र कृषि सहकारीका तर्फबाट कार्यालयमा ३० वटा निवेदन परेको भट्टराइले जानकारी दिए । ‘निवेदनहरूमाथि अध्ययन गर्ने काम भइरहेको छ ।

चाँडै फिल्ड भिजिट सकेर चैतभित्रै कृषकहरूसँग सम्झौता गर्ने तयारी छ,’ भट्टराईले भने, ‘वैशाखदेखि हामी पोखरी खन्ने काममा लाग्नेछौं ।’ कृषि विकास कार्यालयका अनुसार जिल्लामा १ हजार ७२ टन माछा उत्पादन हुन्छ ।