निगमको बोइङ दोहामा ग्राउन्डेड

कान्तिपुर संवाददाता

काठमाडौं — नेपाल वायु सेवा निगमको गण्डकी नामक बोइङ जहाज दोहामा ग्राउन्डेड भएको छ । दोहाबाट बुधबार यात्रु बाकेर काठमाडौं आउने क्रममा एक्कासि प्राविधिक समस्या देखिएपछि उक्त विमान दोहामा ग्राउन्डेड हुन पुगेको निगम जनाएको छ ।

एक अधिकारीका अनुसार दोहाबाट उडेको ३० मिनेटपछि उक्त विमान उतै फर्किएको थियो । ‘इक्यभमेन्ट ओभरहिट भएपछि जहाज पुन: उतै फर्किएको थियो,’ स्रोतले भन्यो, ‘यस्तो समस्यामा ९० मिनेटभित्र जहाजलाई अवतरण गराइसक्नुपर्छ ।’ कुनै उपकरणमा देखापरेको तापक्रमको समस्याले आकस्मिक अवतरण गर्दा उक्त विमानमा अर्को समस्या पनि देखिएको छ ।

स्रोतका अनुसार अवतरणका बेला इन्धनको अत्यधिक भारका कारण ल्याडिङ गियर (पांग्रा) मा रहेको ट्रकटिल्ट एक्च्युयटर पनि फुटेको (ड्यामेज) छ । ‘आकाशमा एउटा समस्या देखिएर जहाज फर्किएको थियो पछि अवतरणका बेला त्यो समस्या हरायो अर्कै समस्या देखियो,’ स्रोतले भन्यो ।

यो विमान बनाउन निगमले बोइङका इन्जिनियरहरूसँग कुराकानी गरिसकेको छ । तर, ८/१० दिन लाग्न सक्ने इन्जिनियरहरूले निगम व्यवस्थापनलाई जानकारी गराएका छन् । मंगलबार काठमाडौंबाट दोहा उडेको उक्त विमानलाई क्याप्टेन सुधीरशमशेर राईले ल्याउँदै थिए । निगमका प्रवक्ता रवीन्द्र श्रेष्ठका अनुसार सातामा चार दिन दोहा उडान भर्दै आएको निगमको एउटा मात्रै बोइङ दोहामा ग्राउन्डेड हुँदा यस विमानले गर्दै आएका अन्य सेक्टर मलेसियाको क्वालालमपुर र भारतको नयाँदिल्लीका उडान पनि प्रभावित हुने भएका छन् ।

हाल निगमसँग एउटा मात्रै बोइङ उडानमा छ । योसँगैको अर्को २८ वर्ष पुरानो बोइङ (कर्णाली) काठमाडौंमा ग्राउन्डेड छ । यसलाई निगमले नियमित उडानबाट निकालेर लिलाम गर्ने निणर्य गरिसकेको छ ।

एयरबसबाट खरिद गरेका दुइटा विमानले दिल्ली, मुम्बई, बैंलोर, दुबई, बैंकक उडान भर्दै आएका छन् ।

प्रकाशित : जेष्ठ ५, २०७४ ०९:०८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एथलेटिक्स खेलाडी बैंककतिर

कान्तिपुर संवाददाता

काठमाडौं — दोस्रो एसियाली युथ एथलेटिक्स च्याम्पियनसिपमा नेपालका ४ खेलाडीले भाग लिने भएको छ । मे २० देखि २३ तारिखसम्म थाइल्यान्डको बैंकक हुने प्रतियोगितामा पुरुषमा आशिष खत्रीले १ र २ सय मिटर दौड, लुजला अमात्य र जयरानी चौधरीले महिला १ र २ सय मिटर दौडमा तथा विपना परियारले लङजम्प र ट्रिपलजम्पमा प्रतिस्पर्धा गर्नेछिन् ।

प्रशिक्षकमा मनोहर दाहाल छन् । टिम शुक्रबार जाँदै छ ।

आयोजक र ओडिसी विजयी
आयोजक बसुन्धारा नेसनल एकेडेमी र डिफेन्डिङ च्याम्पियन ओडिसी एकेडेमी दोस्रो बीएनए कप अन्तरविद्यालय बास्केटबलको जुनियर ब्वाइजमा विजयी भए । आयोजकले ग्रिनल्यान्डलाई २७–२४ स्कोरले हराउँदा हितेश गुरुङले १३ स्कोर गरे । अनिशको १९ स्कोरमा ओडिसीले नवजीवनलाई ३०–१७ ले हरायो । नेपाल मोडेल, लालीगुराँस, स्किब्स र इडेन ब्रिज पनि विजयी भए ।

प्रकाशित : जेष्ठ ५, २०७४ ०९:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT