कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

अपर म्याग्दी १ निर्माण हुने

म्याग्दी — धौलागिरि हिमालबाट बग्दै आएको म्याग्दी खोलामा ५३.३ मेगावाटको अपर म्याग्दी १ जलविद्युत् आयोजना निर्माण हुने भएको छ । विद्युत् उत्पादन गर्ने कम्पनी हिमालयन इन्फ्रास्टिच्युट फन्ड लिमिटेडले ‘रन अफ दि रिभर’ मा आधारित आयोजना भएको जनाइएको छ ।

धौलागिरि गाउँपालिका ३ को मुदी र म्याग्दी खोला दोभानबाट पानीलाई ५.६ किमि लामो टनेलबाट तल मराङखोला छेउमा झारेर विद्युत् उत्पादन हुनेछ । आयोजनाले शनिबार प्रभावित क्षेत्र धौलागिरि गाउँपालिका ३, ४ ६ र ७ र मालिका गापालाई समेट्ने गरी सार्वजनिक सुनुवाइ गरेको छ ।

‘आयोजनाले वातावरणीय प्रभाव मूल्यांकनका लागि काम थालेको छ । त्यसैले हामीले पनि आयोजना निर्माणमा अनुकूल हुने गरी संयोजन गरेका छौं,’ धौलागिरि गापा प्रमुख थमसरा पुनले भनिन्, ‘आयोजनाले पनि ऐनकानुन र सक्नेजति स्थानीयका जायज माग सम्बोधन गर्ने र स्थानीयले नाजायज र पटकपटक माग नराख्ने सहमति गरेका छौं ।’

जिल्लाको पश्चिमी भेगको भौगोलिक रूपमा सबैभन्दा ठूलो र दुर्गम धौलागिरि गापामा १० वटा आयोजनाले विद्युत् सर्वे लाइसेन्स लिएका छन् । अपर म्याग्दी र दरखोला आयोजनाले उत्पादन अनुमति पाइसकेका छन् । बाँकीका प्रक्रियामा छन् । आयोजनाले वातावरणीय प्रभाव मूल्यांकनको कामसँगै प्रवेशमार्ग पनि निर्माण गरिरहेको छ ।

प्रकाशित : जेष्ठ २२, २०७४ १०:००
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?