एम्कोले भित्र्यायो नयाँ ब्याट्री

कान्तिपुर संवाददाता

काठमाडौं — एम्को ब्याट्रीले नयाँ ब्याट्रीहरू बजारमा ल्याएको छ । बजारमा ल्याइएको ब्याट्रीहरूमा एम्को म्याक्सलास्ट, एम्को सुपर स्टार्ट, एम्को अल्ट्रा लाइप, एम्को नेक्सजेन र एम्को इन्डुरा ब्रान्ड रहेको जारी विज्ञप्तिमा उल्लेख छ ।

बिक्रेता बौद्ध इन्टरप्राइजेजले एम्कोका उत्पादनहरूबारे जनचेतना फैलाउन वेब तथा मोबाइल एप्सका साथै लोयल्टी आधारित खुद्रा व्यापार उपहार कार्यक्रमसमेत सुरुवात गरेको जारी विज्ञप्तिमा छ । 

 
जनता र सिद्धार्थको एकीकृत कारोबार
जनता बैंक नेपाल लिमिटेडले साविकको सिद्धार्थ डेभलपमेन्ट बैंकलाई प्राप्ति गरी शुक्रबारदेखि एकीकृत कारोबार सुरु गरेको छ । नेपाल राष्ट्र बैंकका कायममुकायम गभर्नर चिन्तामणि सिवाकोटीले एकीकृत कारोबारको शुभारम्भ गरेको जारी विज्ञप्तिमा उल्लेख छ । सिद्धार्थ डेभलपमेन्ट बैंक प्राप्तिपश्चात् जनता बैंकको चुक्ता पुँजी करिब ७ अर्ब, बैंकको निक्षेप परिचालन करिब ५० अर्ब र कर्जा ४५ अर्ब पुगेको जनाएको छ । पूर्वको ताप्लेजुङदेखि पश्चिमको दार्चुलासम्म देशका सहरी तथा ग्रामीण क्षेत्रमा विभिन्न स्थानहरूमा ११३ शाखा, १८ वटा शाखारहित बैंकिङ र ६७ वटा एटीएमहरूमार्फत सेवा प्रदान गरिरहेको बैंकले जनाएको छ । 

सांग्रिला र कसमसको संयुक्त कारोबार 
सांग्रिला डेभलमेन्ट बैंकले गोरखामा प्रधान कार्यालय रहेको कसमस डेभलपमेन्ट बैंकलाई प्राप्ति गरेको छ । बैंकले असार ३० गते शुक्रबार एकीकृत रूपमा कारोबार सञ्चालन गरी औपचारिक प्राप्ति गरेको जारी विज्ञप्तिमा छ । सांग्रिलाका अध्यक्ष प्राडा. रवीन्द्रप्रसाद श्रेष्ठ तथा कसमसका अध्यक्ष प्राडा. टेकनाथ ढकालले संयुुक्त रूपमा एकीकृत कारोबारको शुभाराम्भ गरेको जनाइएको छ ।

प्रकाशित : श्रावण २, २०७४ ११:२०
प्रतिक्रिया
पठाउनुहोस्

साउने पहिलो सोमबार: देवघाटमा घुइँचो

शब्द/तस्बिर : विमल खतिवडा/शिव पुरी

चितवन — पवित्र तिर्थस्थल तनहुँको देवघाटधाममा साउनको पहिलो सोमबार बिहानैबाट भक्तजनको भीड लागेको छ । टाढाटाढादेखि भक्तजन जम्मा भएका छन् । कोही बेणीसंगममा जम्मा भएर स्नान गर्न व्यस्त भएको देखिन्छ त कोही शिवलिंगमा पुजा गर्दै गरेको अवस्थामा भेटिए ।

अघिल्लो वर्षहरुको तुलनामा भीड केही कम देखिन्थ्यो । नदी किनारमा पहेंलो गेरुबस्त्रमा सजिएर आउने युवायुवतीको कमी थिएन । नदी छेउमा सेल्फी खिच्न आपसमा प्रतिस्पर्धा नै चलेको देखिन्थ्यो । महिलाहरु मेहन्दी र चुरामा सजिएर पूजा गर्न पुगेका थिए ।

‘त्यति भिड छैन ,ठिकै छ । पहिलो दिन भएकाले हुन सक्छ,’ देवघाट क्षेत्र विकास समितिका अध्यक्ष टंकनाथ पौडेलले भने,‘ पानीको बहाव बढेको छ, दुर्घटना भएमा सुरक्षा निकाय, क्षेत्र विकास समिति र बोटे सहितको काठको डुंगा उद्दारकालागि तैनाथ रुपमा राखेका छौं ।’ तनहुँको त्रिशुली र कालीगण्डकी संगस्थल बेणीमा बढी भीड छ । चितवन खण्डमा समेत भक्तजनको उपस्थिति बाक्लो छ । आँपटारीदेखि देवघाटसम्म पुग्ने बाटोमा भीड कम भएकाले दुईतर्फी यातायात चल्न दिइएको छ ।

नारायणगढ–मुग्लिन सडक हुँदै आउने भक्तजनको संख्या भने कम छ । भक्तजन लाईन लागेर पुजा गर्न बसेका थिए । कतै भजन घन्काईएको थियो भने कतै भक्तजन ताँती लागेर देवघाटतिर जाँदै गरेको देखिन्थ्यो । साउन महिनाभर देवघाटमा भक्तजनको भीड लाग्ने गर्छ ।

प्रकाशित : श्रावण २, २०७४ ११:२०
पूरा पढ्नुहोस्
प्रतिक्रिया
पठाउनुहोस्