पेट्रोलियम डिलर्स राष्ट्रिय एसोसिएसनद्वारा आन्दोलनका कार्यक्रम फिर्ता

आजैबाट ढुवानी सुचारु, इन्धन अभाव नहुने
राजु चौधरी

काठमाडौं — पेट्रोलियम डिलर्स राष्ट्रिय एसोसिएसनले बिहीबारदेखि सुरु गरेको आन्दोलनको कार्यक्रम स्थगित गरेको छ । बिहीबार राति आयल निगम सञ्चालक समितिले माग पुरा गर्ने सहमति गरेपछि एसोसिएसनले आन्दोलनका कार्यक्रम फिर्ता लिएको हो ।

थानकोट डिपोबाट पम्पसम्म पेट्रोल ढुवानी गर्दा थप १० लिटर नोक्सानी क्षतिपूर्ति दिने भएपछि आन्दोलन फिर्ता भएको हो । अहिले थानकोट ढिपोबाट ४ हजार पेट्रोल ढुवानी गर्दा ३५ लिटर नोक्सानी पाउथे भने अब ४५ लिटर पाउने छन् ।

यस्तै डिजेलमा ४ हजार लिटर ढुवानी गर्दा २४ लिटर क्षतिपूर्ति पाउँदै आएका व्यवसायीले नयाँ सहमति अनुसार अब २७ लिटर पाउनेछन् ।

एसोसिएसनका अध्यक्ष लीलेन्द्र प्रधानले भने, 'अहिलेबाटै सबै आन्दोलनका कार्यक्रम स्थगित गरेर ढुवानी सुरु गरिएको छ । अब इन्धन सहज हुन्छ ।'

संसदको आफूर्ति तथा उपभोक्ता हित उपसमितिले पनि बिहीबार नै माग सम्बोधन गर्ने जनाउँदै आन्दोलनका कार्यक्रम फिर्ता लिन आग्रह गरेको थियो ।

प्रकाशित : श्रावण २७, २०७४ १६:४४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

राष्ट्रिय चिकित्सा शिक्षा विधेयक संसदीय समितिबाट पारित

कान्तिपुर संवाददाता

काठमाडौं — संसदको महिला, बालबालिका, ज्येष्ठ नागरिक तथा समाज कल्याण समितिले राष्ट्रिय चिकित्सा शिक्षा विधेयक २०७३ पारित गरेको छ । डा. भगवान कोइराला नेतृत्वको टोलीले बनाएको मस्यौदा समितिले पारित गरेको हो ।

समितिबाट पारित मस्यौदा संसदको बहुमतले पारित गर्नुपर्ने हुन्छ । चिकित्सा शिक्षालाई व्यवस्थित गर्नुपर्ने मागसहित डा. गोविन्द केसीले उठाएको मागमध्ये यो विधेयक पारित गर्नु पनि हो ।

केसी पक्ष र सरकार पक्षबीच वार्ता हुँदै

अनशनरत केसी पक्ष र सरकारी वार्ता टोलीबीच सिंहदरबारमा वार्ता हुँदै छ । केसी पक्षले कान्तिपुरसँग कुरा गर्दै समितिले पारित गरेको विधेयकमाथि गहिरो छलफल हुने र उक्त विधेयकले समेटेका कुरा अध्ययन गरेपछि डा केसीले आफू अनुसार निर्णय गर्नेछन् । वार्ता टोलीका एक सदस्यले भने, 'समितिबाट विधेयक पारित हुनु सकारात्मक कुरा हो । तर डा केसीले सुक्ष्म रुपले अध्ययन गरेपछि मात्रै अनशन तोड्ने वा नतोड्ने निर्णय लिनुहुनेछ ।' 

 

 

प्रकाशित : श्रावण २७, २०७४ १६:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT