कतारको दोहामा सिटिजन्स बैंक इन्टरनेसनल लिमिटेडर दोहा बैंकबीच रेमिट्यान्स सम्झौता
काठमाडौं — सिटिजन्स बैंक इन्टरनेसनल लिमिटेड र कतारको दोहा बैंकबीच रेमिट्यान्स सम्बन्धी सम्झौता भएको छ । कतारको राजधानी दोहामा आयोजित एक कार्यक्रममा सम्झौता पत्रमा हस्ताक्षर गरिएको हो । बैंकका तर्फबाट बैंकका प्रमुख कार्यकारी अधिकृत राजनसिंह भण्डारी र दोहा बैंकका तर्फबाट बैंकका प्रमुख कार्यकारी अधिकृत डा आर. सीथारमणले सम्झौतापत्रमा हस्ताक्षर गरेका थिए ।
यस सम्झौता बमोजिम अब कतार, दुबई, कुवेत, भारत, जापान, सिंगापुर, दक्षिण अफ्रीका, दक्षिण कोरिया, अस्ट्रेलिया,टर्की,बेलायत,क्यानाडा,बंगलादेश, लगायतका राष्ट्रहरुबाट दोहा बैंकको रेमिट्यान्स प्रणाली ( डी फास्ट) मार्फत नेपालमा पठाएको रेमिट्यान्स रकम सरल र सहज रूपमा बैंकको नेपाल भर रहेको ६६ वटा शाखाहरु र ४ हजारभन्दा बढी सहायक प्रतिनिधिहरु रहेको सञ्जालबाट सरल र सहज रूपमा भुक्तानी पाउन सकिने छ ।
कार्यक्रममा कतारका लागी नेपालका राजदूत रमेश कोइरालाले यो सम्झौता हुण्डी कारोबारलाई निरुतसाहित गर्न कोसेढुंगाको रूपमा साबित हुने बताए । कार्यक्रममा बोल्दै दोहा बैंकका प्रमुख कार्यकारी अधिकृत डा आर. सीथारमणले यो सम्झौता गर्न पाएकोमा खुशी व्यक्त गरे ।
बैंकका प्रमुख कार्यकारी अधिकृत भण्डारीले यो सम्झौता कार्यान्वयनपछि नेपालको रेमिट्यान्स व्यवसायलाई अझ व्यवस्थित बनाउन सहयोग पुग्ने विश्वास व्यक्त गरे ।
प्रकाशित : कार्तिक २७, २०७४ १६:५२