चेम्बरमा पुन: श्रेष्ठ

पहिले अध्यक्ष भएर केही समय बाहिर बसेका श्रेष्ठ अघिल्लो कार्यकालदेखि नेतृत्व सम्हाल्न थालेका हुन् । अध्यक्ष श्रेष्ठसँगै नयाँ कार्यसमितिको वरिष्ठ उपाध्यक्षमा राजेन्द्र मल्ल, उपाध्यक्ष (वाणिज्य) कमलेशकुमार अग्रवाल, उपाध्यक्ष (उद्योग) महेन्द्रमान श्रेष्ठ, उपाध्यक्ष (जिल्ला, नगर) दीपककुमार मलहोत्रा निर्वाचित भएका छन् । उपाध्यक्षमा (वस्तुगत) इच्छाराज तामाङ, उपाध्यक्ष (संस्थागत) नरेश श्रेष्ठ र उपाध्यक्ष (विशिष्ट मानार्थ) भाष्करराज राजकर्णिकार चुनिएका छन् ।

साधारणसभाबाट उद्योगतर्फ लोकमान्य गोल्छा, राजेन्द्रप्रसाद अर्याल, अञ्जान शाक्य, दीपक श्रेष्ठ, सुमितकुमार अग्रवाल सदस्यमा निर्वाचित भएका छन् । वाणिज्यतर्फ देवेन्द्रभक्त श्रेष्ठ, नीलकण्ठ चौलागाई, सन्तोषकुमार पाण्डे, किशोरकुमार अग्रवाल, किशोरकुमार अग्रवाल, नवराज ढकाल, राष्ट्रभूषण चाकुवजी सदस्यमा चुनिएका छन् । यस्तै राजु श्रेष्ठ, कैलाशचन्द्र गोयल, सुभासचन्द्र संघाई, दीपककाजी तुलाधर, मनोजकुमार केडिया, सुधीर मित्तल, अशोककुमार अग्रवाल, दीपेशरत्न तुलाधर पनि निर्वाचित भएको विज्ञप्तिमार्फत जनाइएको छ । मुलुकको संघीय संरचनाअनुसार चेम्बरले पनि सातै प्रदेशबाट प्रतिनिधि चयन गरेको जनाएको छ ।