हेटौडा सिमेन्टद्धारा मुल्यवृद्धि

कान्तिपुर संवाददाता

हेटौंडा — सरकारी स्वामित्वमा रहेको हेटौडा सिमेन्ट उद्योगले प्रतिवोरा सय रुपैयाँ भन्दावढी सिमेन्टको मुल्यवृद्धि गरेको छ । 

हेटौडा सिमेन्ट उद्योगको संचालक समितिको वैठकले प्रतिवोरा सिमेन्टमा १ सय ३ रुपैयाँ ३५ पैसा मुल्यवृद्धि गरेको छ । अहिले सिमेन्टको मुल्य भ्याट सहित प्रतिवोरा ९ सय १२ रुपैयाँ बिक्री मूल्य पुगेको छ । उद्योगले यसअघि ५० केजीको बोराको सिमेन्ट उद्योगवाट डिलरलाई प्रतिवोरा ७ सय ९५ रुपैयामा विक्री गर्दै आएको थियो । उद्योगले डिलरलाई दिदै आएको कमिशनमासमेत वृद्धि गरेको छ । प्रतिवोरा १० रुपैया कमिशन दिदै आएकोमा अव १५ रुपैया पुर्‍याएको छ ।

मुल्यवृद्धि गर्नु अघि उपभोक्ताले प्रतिवोरा ८ सय ३० रुपैयाँमा सिमेन्ट खरिद गथ्र्ये भने अहिले ९ सय ४० रुपैयाँ प्रतिवोरा सिमेन्टको मूल्य रहेको छ । ९ सय ४० रुपैयाँमा हेटांैडाका डिलरहरुले सिमेन्ट विक्री गरिरहेका छन ।

शिव्म,उदयपुरलगायत सिमेन्ट उद्योगहरुले सिमेन्टको मुल्यवृद्धि गरेको र कच्चा पदार्थहरुको मुल्यवृद्धि भएकाले वाध्य भएर हेटौडा सिमेन्ट उद्योगले पनि मुल्य वृद्धि गर्नु परेको संचालक समितीका अध्यक्ष रघुरमण न्यौपानेले वताए । ५० केजी बोराको शिव्मको प्रतिबोरा ९ सय १० रुपैया र उदयपुरको ९ सय ९ रुपैयाँ उद्योग मुल्य छ ।




प्रकाशित : पुस २९, २०७४ २०:१६
प्रतिक्रिया
पठाउनुहोस्

तिवारी हत्याकाण्डका सहयोगी कतारबाट पक्राउ

कान्तिपुर संवाददाता

काठमाडौँ — गत वर्ष बुटवलमा एमालेको भ्रातृ संगठन युवा संघ रूपन्देहीका जिल्ला अध्यक्ष दुर्गा तिवारीको हत्यामा संलग्न एक अभियुक्त कतारमा पक्राउ परेका छन् ।

हत्यामा संलग्न मुख्य अभियुक्त मनोज पुनका सहयोगीका रूपमा काम गरेका बाबु भनिने तुलबहादुर सिँजालीलाई नेपाल प्रहरीले अन्तर्राष्ट्रिय प्रहरी अपराध संगठन (इन्टरपोल) को सहयोगमा कतारबाट नेपाल ल्याएको छ ।

इन्टरपोलमा सूचना गरिएलगत्तै कतार प्रहरीले तुलबहादुरलाई पक्रेर देश निकाला गरेको थियो । मनोज पुन भारतमा बसेर शृंखलाबद्ध रूपमा फिरौती संकलन र हत्यामा संलग्न गुन्डा नाइके हुन् । प्रहरी स्रोतका अनुसार तिवारी हत्यामा तुलबहादुरको प्रत्यक्ष संलग्नता थियो । उनले हतियार व्यवस्थापनको काम गरेको प्रहरीको भनाइ छ ।

गत वर्ष पुस ४ मा रूपन्देहीको देवदहमा तिवारीको गोली हानी हत्या गरिएको थियो । मनोज पुनले भारतमा बसेर हत्याको योजना बनाएका थिए । असोज अन्तिम साता काठमाडौंको शान्तिनगरमा निर्माण व्यवसायी महासंघका अध्यक्ष शरदकुमार गौचनको हत्याका मुख्य अभियुक्त समीरमान बस्नेत र मनोज पुन भारतको गोवामा लामो समयदेखि सँगै रहँदै आएका थिए ।

लोप्साङ लामा, मनोज र समीरमानको ग्याङ पछिल्लो समय विभाजित भएको थियो भने नेपाल प्रहरीको केन्द्रीय अनुसन्धान ब्युरोले मंसिर दोस्रो साता बस्नेतलाई भारतबाटै पक्रेर नेपाल ल्याएको थियो । प्रहरी स्रोतका अनुसार तिवारी हत्यापछि तुलबहादुर भागेर भारतको गोवा पुगेका थिए । त्यहींबाट पुनकै चाँजोपाँजोमा उनी कतार पुगेको स्रोतको दाबी छ ।

प्रकाशित : पुस २९, २०७४ २०:१६
पूरा पढ्नुहोस्
प्रतिक्रिया
पठाउनुहोस्