१९.१२°C काठमाडौं
काठमाडौंमा वायुको गुणस्तर: १४७

फेरि बढ्यो इन्धनको मूल्य

काठमाडौँ — नेपाल आयल निगमले इन्धनको मूल्य बढाएको छ । निगमले बुधबार राति १२ बजेदेखि लागू हुने गरी पेट्रोलमा एक रुपैयाँ, डिजेल र मट्टितेलमा दुई/दुई रुपैयाँ बढाएको हो ।

फेरि बढ्यो इन्धनको मूल्य

‘अन्तर्राष्ट्रिय बजारमा इन्धनको मूल्य बढेको छ,’ कार्यवाहक कार्यकारी निर्देशक सुशील भट्टराईले भने, ‘भारतीय आयल निगम (आइओसी)ले पठाएको मूल्यसूचीअनुसार प्रतिलिटर पेट्रोलमा १, डिजेलमा २ र मट्टितेलमा २ रुपैयाँ बढाएका छौं ।’


यो मूल्यअनुसार पेट्रोलको खरिदबिक्री मूल्य प्रतिलिटर १ सय २ रुपैयाँ, डिजेल ८१ र मटितेल ८१ रुपैयाँ पर्छ । यसअघि प्रतिलिटर पेट्रोल १०१, डिजेल ७९ र मटितेल ७९ रुपैयाँ थियो ।


मूल्य समायोजनपश्चात् डिजेलमा पाक्षिक घाटा २४ करोड ३९ लाख रुपैयाँ भएको निगमले जनाएको छ । भट्टराईका अनुसार मूल्य अस्वाभाविक रुपमा बढेकाले भारतमा दैनिक २०/२५ पैसा समायोजन हुन्छ । खाना पकाउने एलपी ग्यास र हवाई इन्धनको मूल्यमा भने यथावत राखेको छ । हाल एलपी ग्यास प्रतिसिलिन्डर मूल्य १३ सय ७५ रुपैयाँ छ । प्रतिसिलिन्डर २ सय ८ रुपैयाँ ३० पैसा नोक्सान छ । ग्यासबाट मात्रै २३ करोड ३३ लाख रुपैयाँ घाटा भएको जनाएको छ ।


ग्यासको मूल्य बढाउँददा सर्वसाधरणलाई प्रत्यक्ष मर्का पर्ने भएकाले मूल्य स्थिरिकरण कोषबाट समायोजन गर्नुपर्ने उनले बताए । यसका लागि आपूर्ति मन्त्रालयमा प्रस्ताव पठाएको निगमले जनाएको छ ।


प्रकाशित : माघ ३, २०७४ १९:५५
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?