उद्योग, वाणिज्य तथा आपूर्ति मन्त्रालयको पद सम्हालेपछि मन्त्री मातृका यादवले ठूला व्यवसायलाई लक्ष्य गरी बजार अनुगमन गर्ने बताएका थिए । मुहानै सफा भएपछि बजार स्वत: सफा र व्यवस्थित हुने बताउँदै उनले उपभोक्ता ठग्ने ठूला व्यवसायीलाई कारबाहीको दायरामा ल्याउने दाबी गरे ।
सेयर कारोबार मापक नेप्से परिसूचक बुधबार ४.६२ अंकले बढयो । अघिल्लो दिनको तुलनामा यो ०.३९ प्रतिशतले बढी हो । बुधबार १ हजार १ सय ९४. ८१ विन्दुबाट सुरु भएको सेयर कारोबार पहिलो ३० मिनेटसम्म बढेको थियो ।
साढे तीन वर्षअघि उदघाटित मुलुकको पहिलो नमुना विशेष आर्थिक क्षेत्र (सेज) मा उद्योग स्थापना सुरु भएको छ । विद्युत् अभाव देखाउँदै सेज र व्यवसायीबीच अविश्वास रहेकै अवस्थामा बुधबार शक्ति मिनरल्स प्रालिले उद्योग स्थापनाका लागि जग्गा सम्झौता गरी उद्योगको शिलान्यास गरेको हो ।
ऊर्जामन्त्री वर्षमान पुनले एक दर्जन जलविद्युत् आयोजना सर्वसाधारणको प्रत्यक्ष लगानीमा बनाउने तयारी गरिएको बताएका छन् । विनियोजन विधेयकमा उठेका प्रश्नको संसदमा बुधबार जवाफ दिँदै ऊर्जामन्त्री पुनले १३ वटा आयोजना सर्वसाधारणको प्रत्यक्ष लगानीमा बनाउने तयारी भएको जानकारी दिए ।
सरकारी रेकर्डमा दर्ता भई सञ्चालन नभएका उद्योगको छानबिन हुने भएको छ । केही उद्योगले उत्पादनको नाममा आयातित सामान नेपाली टयाग राखेर बिक्री गरेको गुनासोपश्चात उद्योग वाणिज्य तथा आपूर्ति मन्त्रालयले यस्तो तयारी गरेको हो ।
२४.१२°C काठमाडौं
