अर्थ / वाणिज्य
श्रावण १, २०७५

राष्ट्रिय प्रणालीमा सय मेगावाट विद्युत् थप, पाँच हजार मेगावाटको अनुमतिपत्र 

आर्थिक वर्ष २०७४/७५ मा साना ठूला गरी कूल १५ आयोजना निर्माण सम्पन्न भई राष्ट्रिय प्रसारण प्रणालीमा १०० मेगावाट विद्युत् थप भएको छ । विद्युत् विकास विभागका अनुसार नेपाल विद्युत् प्राधिकरणको ३० मेगावाट क्षमताको चमेलिया जलविद्युत् आयोजना नै सो आवमा सम्पन्न भएको सबैभन्दा ठूलो आयोजना हो ।

जग्गा कारोबार खुकुलो बनाइँदै

वर्षमा एकपल्ट मात्रै कित्ताकाट गर्न पाउने व्यवस्थालाई सरकारले खुकुलो बनाउने भएको छ । ‘एक/डेढ सातामै विशेष निर्णयमार्फत परिपत्र जारी गरी जग्गा उपयोग र कित्ताकाटसम्बन्धी नयाँ व्यवस्था ल्याउँछौं,’ कृषि, भूमि व्यवस्था तथा सहकारी मन्त्रालय स्रोतले भन्यो, ‘अधिकांश काम पूरा भइसकेको छ ।’

मन्त्रालयले अनुदान बजेट भेटेन

सरकारले बजेट भाषणमार्फत उखु किसानलाई उत्पादन अनुदान दिने घोषणा गरे पनि कृषि मन्त्रालयले बजेट भेट्टाउन सकेको छैन । मूल्य अभिवृद्धि कर फिर्ता गर्दा किसानले नपाएको गुनसोपश्चात् सरकारले अनुदान दिने घोषणा गरेको थियो ।

बैंकबाट तलब भुक्तानी गर्न तालिका

श्रमिकको तलब सुरक्षा गर्नका लागि बैंकबाट अनिवार्य तलब भुक्तानी गर्न सरकारले क्षेत्रगत रूपमा समयतालिका निर्धारण गरेको छ । मन्त्रिपरिषद्ले सोमबार समयतालिका निर्धारण गरेको हो ।

कच्चा तेलको मूल्य घट्न थाल्यो

विश्व बजारमा कच्चा तेलको मूल्य उच्च रेकर्डमा पुगेसँगै अब ओरालो लाग्न सुरु भएको छ । अमेरिकापछि साउदी अरबले कच्चा तेलको उत्पादन बढाउने घोषणा गरेलगत्तै तेलको मूल्य ओरालो लागेको सञ्चारमाध्यमहरूले सोमबार जनाएका छन् ।

ADVERTISEMENT
ADVERTISEMENT

नेप्से १२ अंकले बढयो

आर्थिक वर्षको अन्तिम कारोबार दिन सेयर बजार परिसूचक नेप्से १२.२७ अंकले बढेर १ हजार २ सय १२ दशमलव ३६ विन्दुमा पुगेको छ । अघिल्लो दिनको तुलनामा नेप्से १.०२ प्रतिशतले बढी हो । साउन १ गतेदेखि परीक्षणका रूपमा अनलाइन कारोबार हुने र सो प्रयोगले बजारमा सुधार आउने आशामा लगानीकर्ता उत्साहित भएको अनुमान ब्रोकरले गरेका छन् ।

बेलायतमा फेसबुकलाई ५ लाख पाउन्ड जरिवाना

बेलायतको सुरक्षा निकायले फेसबुकलाई अधिकतम ५ लाख पाउन्ड जरिवाना गर्ने भएको छ । त्यहाँको सूचना आयुक्तको कार्यालयले ‘क्याम्ब्रिज एनालिटिका’ द्वारा प्रयोगकर्ताको तथ्यांक नष्ट गरिएको प्रमाणित गर्न नसकेको भन्दै फेसबुकलाई यस्तो जरिवाना गर्न लागेको जनाएको हो ।

ढल्केबर सबस्टेसनको स्तरोन्नति

ढल्केबर सबस्टेसनका दुवै ट्रान्सफर्मर २२० किलोभोल्ट क्षमतामा चार्ज भएको नेपाल विद्युत् प्राधिकरणले जनाएको छ । हालै स्तरोन्नति गरिएको ढल्केबर नेपालमा सबैभन्दा धेरै क्षमताको सबस्टेसन हो । यसअघि यो सबस्टेसन क्षमता १३२ केभीए थियो ।

प्रदेश राजधानीसँग जोडिएन हवाई सम्बन्ध

सडक सञ्जालमा नजोडिएका हुम्ला र डोल्पाका बासिन्दालाई प्रदेश राजधानी सुर्खेतसँग हवाई सम्बन्ध नजोडिँदा असुविधा भएको छ । कर्णालीमा उडान भर्ने निजी हवाई कम्पनी र नेपाल वायु सेवा निगमले नेपालगन्जबाट मात्र उडान भर्ने गरेकाले स्थानीयलाई प्रदेश राजधानी आउजाउ गर्न समस्या भएको हो ।

असार ३२, २०७५

खाद्यान्न २० लाख टन अपुग

कृषिप्रधान मुलुक भनिए पनि परनिर्भरता बर्सेनि बढ्दै गएको तथ्यांकले देखाएको छ । कृषि मन्त्रालयका अनुसार करिब २० लाख टन खाद्य तथा फलफूल विदेशबाट आयात गरी पूर्ति गरिएको छ ।

ADVERTISEMENT
ADVERTISEMENT

विदेशी लगानीको झन्डै आधा जलविद्युत्मा

यो वर्ष मुलुक भित्रिएको प्रत्यक्ष वैदेशिक लगानी (एफडीआई) मध्ये झन्डै आधा जलविद्युत् आयोजनामा उपयोग भएको छ । गत वैशाखसम्म नेपाल भित्रिएको कुल विदेशी लगानीको करिब ४६ प्रतिशत विभिन्न जलविद्युत् आयोजनामा लगानी भएको हो ।

एकीकृत भन्सार निर्माण सुरु

चीनसँग सीमा जोडिएको अन्तर्राष्ट्रिय व्यापारिक नाका रसुवागढीमा एकीकृत भन्सार कार्यालय भवनको निर्माण सुुुरु भएको छ । ५४ करोड ८५ लाख ५५ हजार ८ सय १९ रुपैयाँ लागतमा ६ तले भवनको निर्माण सुरु भएको हो ।

सलाद फिर्ता लियो म्याकडोनल्डले

अमेरिकी फास्टफुड चेन कम्पनी ‘म्याकडोनल्ड’ ले आफ्नो हजारौं आउटलेटमा रहेको सलाद फिर्ता गरेको छ । परजीवीजन्य रोगका कारण सर्वसाधारण बिरामी भएपछि कम्पनीले अमेरिकाभरि रहेका झन्डै ३ हजार आउटलेटबाट सलाद फिर्ता गरेको ‘दि वासिङटन पोस्ट’ ले जनाएको छ ।

एडीएसएलको भाउ नबढ्ने

सरकारले नयाँ बजेटमार्फत टेलिफोन र इन्टरनेटमा १३ प्रतिशत दूरसञ्चार सेवा शुल्क लगाउने निर्णय गरे पनि नेपाल टेलिकमले केही सेवाहरूमा भने भाउ नबढाउने भएको छ । उपभोक्तामाझ लोकप्रिय रहेका केही सेवामा उपभोक्तालाई आर्थिक भार नपर्ने गरी पहिलेकै दरमा उपलब्ध गराइने टेलिकमले जनाएको छ ।