जिल्लामा चिया प्रशोधन कारखाना थपिँदै गए पनि हरियो चियापत्ती भारतीय कारखानामा जाने क्रम घटेको छैन । पूर्वी सीमावर्ती क्षेत्रमा उत्पादित हरियो चियापत्ती भारततर्फ जाने गरेको हो ।
भूपू गोर्खाहरूको उल्लेख्य लगानी रहेको बेलायतस्थित ऊर्जा कम्पनी जिनर्जीले छोटो समयमै ग्राहकको संख्या बढाउँदै लगेको छ । सन् २०१४ को २४ नोभेम्बरदेखि औपचारिक रूपमा ग्यास र बिजुली आपूर्ति गर्ने काम थालेको कम्पनीले यो अवधिमा बेलायतभर झन्डै ११ हजार ग्राहक बनाइसकेको जनाएको छ ।
सरकारले सिन्डिकेट हटाउँदै यातायात व्यवसायी समितिलाई नीतिगत रूपमा खारेज गरेको घोषणा गरे पनि व्यवहारमा अझै कार्यान्वयन भएको छैन । जहाँ यातायात व्यवसायी समितिका खाता रोक्का भएकाले कार्यालय बन्द छन्, त्यहीँ बसको आलोपालो मिलाउनेदेखि पुरानै तरिकाको सञ्चालनको तरिका उस्तै छ ।
गएको आर्थिक वर्ष काठमाडौं उपत्यकाबाहिर सेयर कारोबार करिब साढे दस प्रतिशतले बढ्यो । मुलुकका प्रमुख सहरहरूमा धितोपत्र कारोबार विस्तार हुनुका साथै सर्वसाधारणमा सेयर बजारसम्बन्धी जानकारी बढेपछि उक्त अवधिमा मोफसलमा सेयर कारोबार बढेको हो ।
वाणिज्य आपूर्ति तथा उपभोक्ता संरक्षण विभागले ६ वर्षअघि दैनिक ६ वटा व्यावसायिक फर्ममा अनुगमन गथ्र्यो । तीमध्ये प्राय: सबै व्यावसायिक फर्ममा कैफियत फेला परेका थिए । गत आर्थिक वर्षमा औसत दैनिक १४ वटा व्यावसायिक फर्ममा अनुगमन भयो ।
अलैंचीको मूल्य लगातार ओरालो लागिरहेका बेला नेपालको अलैंचीको अवस्था अध्ययनका लागि चिनियाँ टोली आउने भएको छ । चीनका उद्योगी, व्यापारी, प्राध्यापक र कृषिविज्ञ सम्मिलित टोलीले किसानदेखि व्यापारी र सरकारी अधिकारीसम्मलाई भेट्ने योजना बनाएका छन ।
मूल्य घटेपछि झापाका अण्डा उत्पादक किसान मारमा परेका छन् । किसान, अण्डा बिक्रीबाट न्यूनतम उत्पादन खर्चसमेत उठाउन सकिरहेका छैनन् ।जिल्लामा अण्डाको मूल्यमा तीन महिनायता गिरावट आएको हो ।