तीन अङ्कले घट्यो शेयर बजार

कान्तिपुर संवाददाता

काठमाडौँ — निरन्तर ओरालो लाग्दै आएको शेयर बजार साताको पहिलो दिन आइतबार पनि घटेको छ । नेपाल स्टक एक्सचेञ्जका अनुसार नेप्से परिसूचक २.७८ विन्दुले घटेर एक हजार १७५.७२ विन्दुमा पुगेको छ ।

यस्तै ‘क’ वर्गका कम्पनीको कारोवार मापन गर्ने सेन्सेटिभ परिसूचकसमेत ०.५७ विन्दुले घटेर २४८.४२ विन्दुमा कायम भएको छ । कूल १४६ कम्पनीको रु छ लाख नौ हजार २५७ कित्ता शेयर रु २० करोड ५५ लाख ५८ हजार ६४३ मूल्यमा खरिद बिक्री भएका छन् ।

Yamaha

उत्पादन समूह बाहेक अरु उपसमूहको शेयर आज ओरालो लागेको हो । उत्पादन समूहको शेयर १४.१७ विन्दुले बढेको छ । बैंकिङ १.०३, होटल ०.०४, विकास बैंक ११.५, जलविद्युत् २.०६, वित्त १.६१, निर्जीवन बीमा ४२.४८, अन्य २.७, माइक्रोफाइनान्स १२.६२ र जीवन बीमा १.८८ बिन्दुले घटेको छ ।

स्टककाअनुसार घटेको बजारमा ङादी समूहका शेयर लगानीकर्ताले चार प्रतिशत कमाएका छन् भने बैंक अफ काठमाडौँका शेयर लगानीकर्ताले तीन प्रतिशत कमाएका छन् । यस्तै कर्णाली विकास बैंक, आइएमई जनरल इस्योरेन्स, एनएमबी माइक्रोफाइनान्स वित्तीय संस्था लिमिटेडका लगानीकर्ताले गुमाएका छन् ।

प्रकाशित : भाद्र १०, २०७५ १६:२६
प्रतिक्रिया
पठाउनुहोस्
ADVERTISEMENT

जनप्रतिनिधिले जथाभावी कर लगाउनु सर्वथा अनुचित : गच्छदार

कान्तिपुर संवाददाता

मोरङ — कांग्रेस संसदीय दलका उपनेता विजय गच्छदारले स्थानीय तहका जनप्रतिनिधिले गरिब जनताको जनप्रतिनिधि भएर काम गर्नुपर्ने बताएका छन् । विराटनगरमा पत्रकारसँगको कुराकानीमा उनले नेपाली जनता गरिब भएकोले न्यूनतम कर लिएर जनप्रतिनिधिले काम गर्नुपर्ने बताए ।

‘कांग्रेसको टिकट लिएर जित्ने जनप्रतिनिधिहरुले जनतासँग न्यूनतम कर असुलेर परिणाममुखी काम गरेर देखाउने बेला हो,’ उनले भने, ‘जनतामाथि जथाभावी कर लगाउने काम जनप्रतिनिधिले गर्नु सर्वथा अनुचित कार्य हो ।’ सदनमा पनि कांग्रेसले कर वृद्धिको विरोध गर्दै आएको कुरा जनप्रतिनिधिले बुझ्नु आवश्यक भएको उनले बताए ।

लोकतान्त्रिक आन्दोलनको लामो संघर्ष गर्दै आएको कांग्रेसले सचेत प्रतिपक्षको भूमिका निर्वाह गर्दै आएको उनको भनाइ थियो । गच्छदारले कांग्रेस प्रतिपक्षमा बसेर सधैं विरोध मात्रै गरेर भूमिका निर्वाह नगर्ने र मुलुकको विकासमा रचनात्मक सहयोग पुर्‍याउने बताए । उनले कांग्रेसको भदौ २१ गते बस्ने केन्द्रीय कार्यसमिति बैठकले फोरम लोकतान्त्रिकसँग भएका सम्झौता कार्यान्वयन हुने बताए ।

पार्टीको विधानको बाधा अड्काउ फुकाउ बुँदालाई टेकेर केन्द्रीय कार्यसमितिले सहमति कार्यान्वयन गर्ने सभापति शेरबहादुर देउवासँग छलफल भएको उनले सुनाए ।

फोरम लोकतान्त्रिक र कांग्रेसबीच वडादेखि केन्द्रसम्म समायोजनका लागि पार्टी विधान संशोधन आवश्यक भएको तर तत्काल पार्टीको विधानको बाधा अडकाउ फुकाउ बुँदालाई टेकेर समायोजन अघि बढाउने छलफल भएको उनको भनाइ थियो ।

प्रकाशित : भाद्र १०, २०७५ १६:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT