ऋणमा लापरबाही गर्नेलाई जरिवाना

कान्तिपुर संवाददाता

अस्ट्रेलिया — अस्ट्रेलियाली बैंक वेस्टप्याकलाई नियमन निकायले २ करोड ८० लाख रुपैयाँ जरिवाना तिराएको छ ।

ग्राहकलाई भवन निर्माणका लागि ऋण प्रवाह गर्ने विषयमा पर्याप्त सावधानी नअपनाएको भन्दै अस्ट्रेलियन सेक्युरिटिज एन्ड इन्भेस्टमेन्स कमिसन (एसिक) ले बैंकलाई जरिवाना तिराएको हो ।

अस्ट्रेलियाका प्राय: सबै ठूला बैंकिङ तथा आर्थिक कारोबार गर्ने संस्थाहरू विभिन्न विषयमा अनुसन्धानको दायरामा राखिएका छन् । यसअघि एसिकले अस्ट्रेलियाको सबैभन्दा ठूलो बैंक कमनवेल्थलाई करिब ५६ अर्ब रुपैयाँ जरिवाना तिराइसकेको छ ।

Yamaha

जुन अस्ट्रेलियाको व्यावसायिक क्षेत्रकै सबैभन्दा ठूलो आर्थिक सजाय भएको बताइएको छ । वेस्टप्याक बैंकले आर्थिक हैसियत राम्रो नभएको जान्दाजान्दै केही ग्राहकलाई ऋण प्रवाह गरेको, सरकारको ऋणसम्बन्धी मापदण्डको पालना नगरेको आरोपमा अनुसन्धान गरेको थियो ।

एक वर्षअघिदेखि गरिएको अनुसन्धानपछि एसिकले उक्त बैंकलाई मंगलबार जरिवाना तिराएको हो ।

अस्ट्रेलियाली सरकारले स्थानीय ग्राहकहरूले बैंकबाट लिने विभिन्न किसिमका सेवाबारे जनगुनासो बढेपछि ‘रोयल कमिसन’ को स्थापना गरेको थियो । यहाँको सबैभन्दा उच्च अनुसन्धान निकायका रूपमा स्थापना गरिएको यो निकायले बैंकिङ क्षेत्रहरूका विभिन्न सेवाबारे अनुसन्धान गरेको थियो । अनुसन्धानपछि सरकारलाई सुधारका लागि विभिन्न सुझावहरू दिने गर्दछ ।

अस्ट्रेलियाले ग्राहकहरूलाई उच्च प्राथमिकता र सेवाका लागि उच्च सुरक्षा दिने गरेको छ । बैंकिङ क्षेत्रलाई सुधारोन्मुख बनाउनकै लागि भनेर स्थापना भएको कमिसनले हालसम्म यहाँ चारवटै ठूला बैंक कमनवेल्थ, एएनजेड, न्याब, वेस्टप्याकलगायतलाई अनुसन्धानको दायरमा ल्याइसकेको छ । त्यस्तै एएमपीलगायतका ठूला आर्थिक कारोबार गर्ने निकायहरूले समेत अनुसन्धानको सामना गर्नुपरेको छ ।

प्रकाशित : भाद्र २१, २०७५ ०८:२१
प्रतिक्रिया
पठाउनुहोस्
ADVERTISEMENT

लाङटाङ जलविद्युत्लाई लगानी जुटयो

कान्तिपुर संवाददाता

काठमाडौँ — रसुवामा निर्माण हुने लाङलाटङ जलविद्युत् आयोजनाका लागि लगानी जुटेको छ । २० मेगावाटको आयोजनामा ४ बैंकले २ अर्ब ७३ करोड लगानी गर्ने भएका छन् ।

सनराइज बैंकको अगुवाइमा सिद्धार्थ बैंक, नेपाल क्रेडिट एन्ड कमर्स बैंक र जनता बैंकले आयोजनामा लगानी गर्ने भएका हुन् । बुधबार बैंक र आयोजनाबीच वित्तीय व्यवस्थापन सम्झौतामा हस्ताक्षर भएको हो ।

आयोजना मल्टी इनर्जी डेभलपमेन्ट प्रालिले निर्माण गर्न लागेको हो ।

आयोजनाका लागि करिब ४ अर्ब ५ करोड लगानी अनुमान गरिएको छ । आयोजनाको लागि सेयरबाट १ अर्ब ३२ करोड संकलन गर्ने तयारी छ ।

आयोजनाको सिभिल, हाइड्रोमेकानिकल, इलेक्ट्रोमेकानिकल, ट्रान्समिसन लाइनलगायत मुख्य संरचना निर्माणका लागि चिनियाँ कम्पनी छोङगिङ वाटर टर्वाइन वक्र्स (सीडब्लूटीडब्लु) सँग ठेक्का सम्झौता भइसकेको आयोजनाले जनाएको छ ।

आयोजना २०७७ पुसमा पूरा हुने अनुमान छ ।

प्रकाशित : भाद्र २१, २०७५ ०८:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT