नेप्सेमा दोहोरो अंकको वृद्धि

यसकारण बजार बन्द हुँदा १३.०६ अंकको वृद्धिसहित १ हजार २ सय ३०.७१ विन्दुमा उक्लेको छ ।

उक्त दिन कारोबारमा आएकामध्ये होटल, वित्त कम्पनी र उत्पादन तथा प्रशोधनबाहेक सबै समूहको परिसूचक बढेपछि समग्र नेप्से दोहोरो अंकले बढेको हो ।

पछिल्लो समयका ब्याजदर घट्दो क्रममा छ । अघिल्लो वर्ष मार्जिन प्रकृतिका ऋणहरूका कडाइ गरेका बैंकहरूले अहिले ती क्षेत्रमा ऋण प्रवाह थालेका छन् । तुलनात्मक रूपमा ब्याजदरमा पनि कमी आएको छ । यो पनि सेयर बजार वृद्धिको कारण भएको जानकारहरू बताउँछन् ।

सेयर बजार धेरै तल झरिसकेको, बैंक तथा वित्तीय संस्थाहरूको व्यावसायिक विस्तार हेर्दा पहिलो त्रैमासमा पनि कम्पनीहरूका वित्तीय प्रतिवेदनहरू सुधारिएर आउने संकेत देखिएको, घट्दो ब्याजदरलगायत कारणले बजारमा सकारात्मक प्रभाव परेको ब्रोकरहरू बताउँछन् ।